NAVENDA NÛÇEYAN
KDP li hember gelê Kurd û Kurdistanê her di nav îxanetê de bûye. Her ji bo berjewendiyên xwe yên malbatî û kesayetî tevgeriya ye. Li hember Tevgera Azadiya Kurdistanê jî her bi dijminê gelê Kurd re bi dewleta Tirk a dagirker re hevkarî kiriye. Di rojên dawî de KDP hêzên xwe bi çek û çebilxane dişîne Zînî Wertê. Armanca KDP çiye û dixwaze çi bike?
Zînî Wertê li kuderê ye û giringiya wê çi ye?
Zînî Wertê nahiyeya ser bi parêzgeha Hewlêrê ye. Lê wek herêm rêveberiya wê di destê YNK’ê de ye. Her wiha di warê coxrafya de jî xwedî taybetmendiyekî stratejîk a herêma Raperîn û Soran bihev ve girê dide. Di heman demê de rêze çiyayê Karox û Qendîlê bi heve girêdide. Yanî nêzikî Qadên Parastina Medyayê ye.
Li Zînî Wertê çi bû?
KDP û YNK lihev kiribû ku li Zînî Wertê baregehek leşkerî ava bikin. Di wê baregehê de wê Lîwaya 7’a Piyade ya Soran ku lîwayek hevbeşe ji pêşmergeyên KDP’ê û YNK’ê pêk tê, bi Wezareta Pêşmergeye li baregehê were bicîhkirin. Li agahiyê ku heyî KDP û YNK heya niha li ser bicihbûna li herêma Zînî Wertê ku dikeve Qendîlê li hevnekiriye û aloziya di navbera aliyan de didome. Agahiyên ku ji Zînî Wertê hatiye; KDP hêzeke zêde ya pêşmergeyan tevî gelek çek û cebilxaneyan sewqê Zînî Wertê kiriye.
Sedema şandina hêzeke nû ya tenê ji pêşmergeyên KDP’ê pêk tê ne hate zanîn. Lê hemwextê hatina hêzên KDP’ê ya herêmê, liv û tevgera balafirên keşfê yên dewleta Tirk a dagirker jî li ser herêmê zêde bûye. Balafirên şer yên dewleta tirk a dagirker jî ji 14’ê Nîsanê ve gelek caran herêmê bombebaran kir.
KDP ji bo çi diçe Zînî Wertê naye zanîn!
Cîhan hemû ji ber Corona Vîrus (Covid-19) di nav rewşa awarte dijî û hemû hêza xwe daye tenduristiyê. Li Başurê Kurdistanê jî mehekê ye qedexeya derketina derve didome. Lê nayê zanîn ku di demek wiha de KDP ji bo çi hêz şandiye nêzî Qadên Parastina Medyayê. Li hember Tevgera Azadiya Kurdistanê dewleta Tirk a dagirker li her dewerê ku gerîla lê ye di nav liv û tevgerê de ye.
Gelo KDP bi fermana dewleta Tirk a dagirker tê Zînî Wertê?
Li Zaxo, Duhok, Amediyê navendê xebatên MÎT’ê hene. MÎT li van navendan bi KDP û Parastinê re li dijî Tevgera Azadiya Kurdistanê di nava koordîneyê deye. Ajankirin, keşîf û planên êrîşê bihevre amade dikin. KDP ji bo hêz bişîne ji van navendan ferman girtiye? MÎT ji bo vê qadê çavdêrî bike bi hevkariya KDP li Herêma Baleyakati ya Soranê navend avakiriye. Eşkere xuyaye ku KDP li Bradostan li hember hêzên Gerîla bi dewleta Tirk a dagirker re ketiye nav hevkariyê û li dijî Tevgera Azadiya Kurdistanê û gelê Kurd cihê xwe li gel Tirkan girtiye.
Taybet di salên dawî de dewleta Tirk a dagirker bi hevkariya KDP, li gorî xeyalên xwe yên Osmanî xwe li Başûrê Kurdistanê bi cih dike. Bi avakirina baregeha li herêmên ku KDP tê de ye, her ku diçe hêzên xwe zêde dike. Bi vî re jî êrîşên xwe yên qirêj li ser Tevgera Azadiya Kurdistanê û gelê Kurd jî bi hevkariya KDP û YNK dixwaze pêk bîne.
Kiryarên KDP’ê ku sala 2019’an de li hember Tevgera Azadiya Kurdistanê û gelê Kurd kiriye wiha ne;
Şehîd Xistina Şehîd Helmet, destê KDP û YNK’ê tê de heye
Şehîd xistina Rêveberiya Konseya Serokatî ya KCK’ê Diyar Xerib (Helmet), di 5’ê Tîrmeha 2019’an de bi êrîşa balafirên şer yê dewleta Tirk a dagirker ve pêk hat. Şehîd xistina şehîd Helmet de destê KDP hebû. Cihê ku şehîd Helmet lê ye koordînatê wê derê ji aliyê hin kesên ku girêdayê KDP bû, gihişt destê dewleta Tirk a dagirker û piştî wî êrîş pêk hatibû.
Di bûyera Hokkabazê de rastiya KDP careke din derket holê!
Berpirsyarê MÎT’ê yê Başurê Kurdistanê Osman Koşe, ji alî ciwanên Kurdistanê ve hat kuştin. Ji ciwanan Mazlum Dag û Muhammed Beşiksiz hat girtin. Her du ciwan ji aliyê MÎT’ê ve li Hewlêrê bi eşkenceyên giran hatin lêpirsîn kirin. MÎT li Başûrê Kurdistanê ciwanên Kurdan digre û dike eşkenceyan. MÎT, piştî bûyerê li kolan û caddeyên Hewlêrê cil û bergên asayîş û pêşmergeyan li xwe dike û riyan kontrol dikin. Ev jî diyar dike ku dewleta Tirk a dagirker bi KDP’ê re Hewlêr jî dagir kiriye. Osman Koşe, kujerê şehîd Diyar Xerîb û sedan ciwanên Kurdistanê bû û ji alî ciwanên Kurdistanê ve hat ceza kirin. Lê KDP ev endamê MÎT wek dîplomatek nîşan da û cezaya darvekirinê dan ciwanan. Ev jî carekî din îxaneta KDP li hember gelê Kurd derdixe holê.
Qetil kirina Şehîd Demhat û Şehîd Cemîl
Dewleta Tirk a dagirker, li navenda Silêmanî bi balafirên bê mirov di 15’ê Cotmeha 2019’an Endamê Komîteya Têkiliya Derve Demhat Agît (Seyîtxan Ayaz) û Endamê Komîteya Tenduristiyê Cemîl Amed (Eser Irmak) şehîd xistin. Şehît Demhat û Şehît Cemîl, di heman demê de xebatên Yekîtiya Netewî dikirin. Bê alîkariya Hêzên Başûr, dewleta Tirk a dagirker nikare balafirê xwe yê bê mirov bide şûxilandin jî. Li vir dîsa îxaneta KDP li hember Tevgera Azadiya Kurdistanê rû xwe nîşan dide.
KDP aniha jî dixwaze xwe nêzî herêmên Qadên Parastina Medyayê bi cîh bike. YNK hîn hember vî tiştî tiştek negotiye. Lê ev rewşekî pir xetere û dibe ku rê şerekî jî veke. Divê gelê Kurd û Kurdistanê li hember îxanet û sîxûriya KDP hişyar û balder be.
Agahiyên nû ji Zînî Wertê hatî diyar dike ku KDP bi dewleta Tirk a dagirker re li hev kiriye û dixwaze bibe şirêkê dagirkeriya tirkan. KDP, li girên Zînî Wertê bi MÎT’an re keşif dike, û cih-koordînatên Gerîlayên Azadiya Kurdistanê dide artêşa Tirk a dagirker. Ji 14’ê Nîsanê ve balafirên şer yên dewleta Tirk a dagirker li heremê bombebaran dike. Heta niha jî liv û tevgerandina balafir û balafirên keşfê hene.
