BEHDÎNAN – Sê jinên şoreşger Sara (Sakîne Cansiz), Ronahî (Leyla Şaylemez) û Rojbin (Fîdan Dogan) ku di 9’ê Çileya 2013’an hatin qetilkirin, li her derê cîhanê tên bibîr anîn. Gerîlayên YJA Starê ku li ser şopa têkoşîna Sarayan berê xwe dane çiyayên azad sond dixwin ku tolê hilînin.
Gerîlaya YJA Starê Havin Mêrdîn bi guhdarkirina destanên li ser têkoşîna şoreşgera mezin Sara berê xwe daye refên azad ya gerîlayan. Gerîlaya azadiya Kurdistanê Havin Mêrdîn, bi kelecan û îddayek mezin dibêje; “Şahadeta heval Sara wek komkujiyek li ser Rêxistinê bixwe bû. Heval Sara ji destpêka Têkoşînê wek jinek Kurd cihê xwe nav de digirt. Dibe ku me tenê heval Sara bi pirtûk û wêneyan naskiriye, lê dema heval behsa wê dike, mirov pirr bandor dibe ji helwesta wê. Ger heval li cihekî ban, heval Sara beriya wan nedita, bi wan re civînek negirta an jî bi wan re sohbet nekira derbas ne dibû. Eger mirov tenê vê nêzîkatiyê gohdar bike jê bandor dibe.”
EM ŞOPDARÊ TÊKOŞÎNA ŞEHÎD SARA NE
Nêzîkatiyên me li hemberî Hevalan, sekna me ya jiyanî pêwiste be çawa be heval Sara ev yek diyar kir. Ji dema ketibû zindanê û serî netewandibû, têkoşîna wê ji destpêka partibûnê heta sala 2013’an ji bo me bi her awayî minake. Bi heval Sara re me xwe jî nas kir. Behsa heval Sara kirin belkî hesane be, lê wek heval Sara jiyankirin zehmet e. Armancên me têkoşîna ku heval Sara ji me re hiştiye bidawî kirin û layîkî heval Sara buyîn e. Di şexsê heval Sara layîkî keda heval Ronahî û heval Rojbin buyîn e. Serkeftinê derxistina holê û li ser riya wan meşandin ya herî giring e. Li ser vî esasî em ê hêrsa xwe li dijî dijmin hin mezintir bikin û têkoşînê bide meşandin.”
9’Ê ÇILEYÊ DE KOMKUJÎ LI DIJÎ GELÊN KU DEMOKRATÎKBUYÎNÊ DIXWAZTIN HATIYE KIRIN
Gerîlaya YJA-Starê Arîn Botan da diyar kirin ku komkujiya 9’ê Çileyê li dijî gelên ku demokratîkbuyînê dixwaztin hatiye kirin û ev tişt anî ser ziman: “Ev komploya hatiye kirin ne tenê êrîşel li ser heval Sara û hevalên din hatiye kirin. Bi vê êrîşê nasnameya jin û ciwantî hatiye hedef girtin. Di şexsê heval Rojbin siyaset ku em îro têdeye hedef hatiye girtin. Bi heval Ronahî re dînamîzma civakê ciwan hedef hatiye girtin. Wusa dixwaztin dengê ku li dijî desthilatdariyê derdikeve bêdeng bike, û dixwaztin gelê ku radibe asteng bike. Piştî şehîdxistina hevalan li ser asta civakî binçavkirin û zext hatin kirin. Bi vê komployê xwestin gelên li tevahî cîhanê ku ser riya demokratîkbûnê diçûn û berbi azadiYê ve diçû asteng bikin.”
HEVAL SARA DI NAVA TARÎTIYÊ DE ROJÊ NÎSANÎ ME DA
“Wek Jinên Ciwan em heval Sar awek pêşenga xwe dibinin. Em dikarin di tarîtiyê de cend gava bimeşin heval Sara ev nîşanî me da. Ji bo em karibin di tarîtiyê bimeşin pêwistiya me bi rojê hebû, heval Sara jî ev roj nîşanî me da. Wek jin û ciwan em dikarin çawa li ser xeta Rêbertî, li ser xeta jina azad bimeşin ev nîşanî me da heval Sara. Ger em li jiyana heval Sara mêze bikin, ji tiştê biçûk heta mezin hertim têkoşîn hebû. Bi xeyalên têkoşîna bi beramberî tiştên biçûk, xwe gihandina tiştên mezin hebû.”
JINÊN CIWAN HÊZA GUHERTINA CIVAKÊ YE
Gerîlaya YJA-Starê Arîn Botan da diyar kirin ku hêza jinên ciwan dikare civakê biguherine û di berdewamiya axaftina xwe de wiha got: “Heval Rojbin û heval Ronahî ruxmê emrê xwe yê ciwan bi awayekî xemnexur xwe tevlî xebatan kirin. Em jî îro wek gerîlayên YJA-Star li çiyayên azad têkoşîn dikin. Di vê têkoşîna me kesên ku riyê nîşanî me didin jiyana ev her sê hevalane. Heval Sara ji bo me felsefeya jiyanê û kesayeta jina azad e. Heval Sara felsefeya Rêbertî a şênberkiriye.
Berpirsyartî îro hemû li ser milê jinên ciwan e. Yên ku dikarin civakê biguherînin jin û ciwan in. Hemû tişt bi ciwantî destpê dike, bi nerîna kevn em nikarin tiştên nû ava bikin. Jinên Ciwan ku ji malên xwe ji jiyanên xwe ên heyî pêwistin derkevin û befireh bikarin mêze bikin. Dijmin dixwaze destpêkê jinên ciwan ji cewherê wan derbixin. Dijmin ji me ditirse, em ê jî di sala nû têkoşîna xwe bilind bikin û bi gelê xwe re bibin yek.”
