SILÊMANÎ – Ji ber dijminatiya PDK’ê ya li hember gelê Kurd, bertek û helwestên gelê Kurd ji her aliyê de zêde bûye. Bi taybet ji aliyê ciwan û jinên ciwan ve, ji ber ku ji çand û nasnameya xwe hatin dûrxistin, ev jî wan aciz dike. Ji ber vê jî herkes daxwaze hilweşandina hikumeteke bi vê rengî dixwaze. Li ser vê bingehê jina ciwan ya ku ji ajansa Nûçe Ciwan re axivî ye da destnîşan kirin ku divê li hember vê dagirkeriyê hemû gel destê xwe bike û got; “Tişta ku em dikarin bikin ewe em weke gel li hember dagirkeriyê helwestên xwe bikin yek. ”
Siyaseta ku PDK’ê dimeşîne, bê pîvan û ne li gor exlaqê civakê ye;
“Navê min Sine Azad, ez xwendekarê zanîngehê me. Dagirkeriya ku dewleta Tirk li ser xakên Başûrê Kurdistanê dide meşandin, berbiçav û eşkere ye, niha kîjan rê û rêbazê bikartîne hemû diyare. Berê bi awayekî veşartî polîtîkayên xwe dida meşandin, lê belê niha li pêşiya herkesî bi awayekî vekirî dike. Li hember vê dagirkeriyê jî heya niha tu helwest nehatî raber kirin. Ji ber ku gelê Başûrê Kurdistanê vê weke dagirkerî nabîne, li hember wê hîna şiyar nebûye. Ger ku tenê ji nava gel 10 kes bertek nîşan bidin, wê hemû gel dengê xwe derbixe, û li hember êrîşên dagirkeriyê bisekinin, di heman demê de wê li hember desthilatên Başûrê Kurdistanê jî were seknandin. Tu kes, sazî û desthildar an jî dewlet qebûl nakin ku welatê wan ji aliyê hêz ango desthilateke din ve were dagirkirin. Lê belê li vê derê tê qebûlkirin ku welatên din werin me dagirbikin. Lê belê welatê me de li şûna ku bertekên xwe nîşan bidin û dagirkeriyê ji welatê me derbixînin, spasî jê re tê gotin, diçin gel wan di civînên wan de amade dibin. Êdî navekî ku em karbin pê van êrîşan şirove bikin jî nemaye, ji ber ku sînorên heyî hatine derbas kirin. Ev siyaseta ku dimeşînin jî siyaseteke bê nav e, ez tenê dikarim jê re bêjim ev siyaset siyaseta dûrî pîvanan û exlaqa civakê.”
PDK’ê behsa xwaseriya Kurdistanê dike, lê bi xwe jî pêşî li dagirkeriyê vekirî ye;
“PDK’ê di aliyekê de dibêje ez xwaseriya Kurdistanê dixwazim û aliyê din de yê ku sedema van êrîşane PDK’ê bi xwe ye, PDK’ê bi xwe sedema yekemîne ku li Kurdistanê xwaserî nebe, Kurdbûyîn nemîne û hestên welatparêziyê di gel de biçilmise. Mînaka wê mirov dikare bêje, yê ku destek daye dewleta Tirk ya dagirker ku kontrola tevahî Kurdistanê bike dîsa PDK’ê bi xwe ye, dewleta Tirk niha tiliyên xwe xistiye nava tevahî karên Kurdistanê, li gel vê giştî jî PDK’ê hîna behsa xwaseriya Kurdistanê dike. PDK’ê bi gel rêbazan hewl dide ku ciwanên kurd ji ziman, çand û nasnemeya wan dûrbixe, lê pir bi cesaret û bêyî ku şerm bike behsa azadiyê dike û dixwaze gelê welatparêz bixapîne. Li gor nirîna min ev xwe xapandineke û di binî vê re siyaseteke cuda ku dixwaze hestên kurdiyetiyê bikuje tê meşandin.”
Pêwîste ciwan li hember dagirkeriyê helwestên xwe bikin yek;
“Heya niha tu kes li hember ev dagirkeriya ku dewleta Tirk dimeşîne nebûye xwedî helwest, di demên borî de ji nava gelên welatparêz ku hin kesan ev êrîş protesto dikirin hebûn, lê niha ev jî kêm bûye. Ji ber ku dema gel radibû serhildanê pir zêde girîng nedihat dîtin. Ji bo vê jî gel xwe weke ku êdî nikare tiştek bibe xwe hîs kir, di heman demê de bi riya polîtîkayên PDK’ê jî gel ji bersivên herî biçûk raberkirin jî bê deng kirin û gel ji van hestên welatparêziyê dûr xistin. Heya niha jî gel û ciwanan ev dagirkerî tam fêm nekirine. Lê pêwîste ciwan êdî bibin xwedî helwest û dagirkeriyê bisekinin, nehêlibin ku lingê xwe bixê welatê me de. PDK’ê wê hertim bihêlibe ku ew êrîşî gel, dayîk û ciwan ve bike, ew desthildariye wê vê yekê erê bike. Ji bo vê jî pêwîste berteka ciwanan ya li hember desthildariya Başûrê Kurdistanê û dagirkeriyê ve bi hev re hebe.”
Divê weke gel em helwestên xwe bikin yek li hember dagirkeriyê;
“Heya niha ez jî nebûme xwedî hewlwestekê, ji ber ku heya niha giştî gel bi hevre li hember dagirkeriyê derneketine. Lê tiştê ku min kiriye ewe, ji beriya 3’ê salan de min hemû tiştên girêdayî Tirkiyê protesto kirine, heman demê de hemû kesayetên ku girêdayî Tirkiyê ne, ez wan bi carekê jî qebûl nakim û ezê heya dawiyê pişgriya hêzên azadîxwaz bikim. Tişta ku em dikarin bikin ewe em weke gel li hember dagirkeriyê helwestên xwe bikin yek.”
