BEHDÎNAN – Dewleta Tirk ya dagirker di deheqê Gerîlayên Azadiya Kurdistanê de ku dibêje kume ew bi dawî kirine, lê PKK her roj bi tevlêbûnên nû mezin dibe. Ciwan û jinên ciwan bi tevlîbûna nava refên PKK’ê bersiva her cure polîtîkayên qirêj dayinê didomînin.
Ciwanên ku diyar kirin ku bi bandorbûna fikir, felsefa Rêberê Gelan Abdullah Ocalan û şehîdan tevlî nava refên gerîla bûne me fikir û hestên wan, ango Milîtan Zendura, Arvîyan Dijwar û Serîna Baran wergirtin.
Ciwanan ji ajansa me re axivîn, diyar kirin ku ji bo azadiya Kurdistanê gelê Kurd û jinên Kurd divê hemû ciwan û jinên ciwan tevlî nava refên gerîla bibin û gotin, “Em ji bilî şerê gerîla azad nabin.”
Mîtan Zendûra:
Navê min Mîtan Zendûra ye. Ez ji Efrînê me. Min wek ciwanekî Kurd, dagirkerî û koletiya ku li ser gelê Kurd tê mêşandin qebûl nekir. Ji ver vê jî min xwest ku ez jî tevli nav refên gerîla bibim û li çiyayên Kurdistanê li dijî dagirkeriya Tirk şer bikim.Dagirkeriya tirk a qirker; her roj bi her cure rêbaz û silehan û bi her awayî li dijî Kurdan şer dike.Min, ev qebûl nekir û min xwest ku li dijî vê bibim bersiv û li dijî dewleta Tirk şer bikim.Îro wekî we dîtiye ku li çiyayên Kurdistanê hemu cureyên çekan tên bikaranîn; çekên qedexekirî jî tên jî tên bikaranîn.Çekên kimyewî li Garê,Metîna û Avaşin bi karanîn.Lê em ji vî şerî re amade ne , em teslîmbûnê qebûl nakin.Em di wê baweriyê de ne ku em ê bi ser bikevin.Şerê me şerê hebûnê ye.Şerê hebûn û tunebûnê ye.Em ji bo mafê xwe şer dikin, ji bo azadiya gelê Kurd û Kurdistanê şer dikin.Yanê em ji vî şerî re amade ne.Wekî we ditiye li Werxelê jî li Tabura ereban jî dijmin bi bin ket, teslîm bû û paşve kişiya.Em ê heta kêliya dawiyê jî berxwe bidin û helbet em ê di vî şerî de biser bikevin.Wê serkeftin jî ya Gerilayê azadiyê be.Îro tecrideke giran li ser Rêber Apo tê meşandin.Em vê qebûl nakin.Ez wek ciwanekî kurd hetanî ku Serok azad nebe ez jiyanê ji xwe re qebûl naki.Ew Rêberê mirovahiyê ye,ji bo me şer kir,em jî azadiya Serokatî ya fîzîkî dixwazin.Hetanî Serok azad jî nebe em jiyanê ji xwe re qebul nakin.Dubare dibêjim; Em wek ciwanê Kurd vê jiyanê ji xwe re qebul nakin.Wekî we ditiye sala 44emin a damezrandina Pkk ê ye ji her alî ve guhartin, serkeftinên mezin,berxwedanê bêhempa çêbû,berwedana Gerîla ya li çiyayên Kurdistanê jî ji bo serkeftineke mezin e.Ez dawiyê de jî Wek ciwanekî Efrînî bang li ciwanên Efrînî dikim ku tevli nava refên azadiyê û gerîla bibin.Lewre tu rêya rizgarkirina Efrînê ji bilî rêya Gerîlatiyê nîn e. Yanê bi gerîlatiyê, tenê em ê Efrînê azad nekin em ê Kurdistanê jî azad bikin.Ji bilî vê tu rêyên ku em azad bibin tune.Ji bilî gerîlatiyê em azad nabin. Ji ber vê jî bang li hemu ciwanên Efrîn û Kürdistanê dikim ku di nav refên gerîla de cihê xwe bigirin,ku ev rê rêya Azadî ye, rêya şeref û namûsê ye.Di dawiyê de jî dibêjim ku dem dema Azadiyê ye, dem dema azadiyê ye û werin cenga azadiyê ye.
Arviyan Dijwar:
Navê min Arviyan Dijwar e.Ji bajarê Efrînê me.Bandor û sedema tevlibûna min a nav gerîla Felsefeya Serokatî û Şehîd in.Ji ber vê ez tevli Gerîla bûm.
Gelê me gelekî bindest e.Divê em wek jin ên ciwan gelê xwe ji vê rewşê rizgar bikin.Yek ji sedema tevlibûna min jî ev bû.Em ketin sala 44emîn a damezrandina PKKyê.Berxwedanîya gerîla ya li dij dijmin didome û serkeftinê herî mezin gerîla bi dest xwe dixe.
Em bang li hemu jinên ciwan dikin ku werin tevli nav refên gerîla bibin.Ji ber ku azadî azadiya jinê ye,partî partiya jinê ye.Ji ber vê divê hemu jinên ciwan tevli nav refên gerîla bibin. Ev ceng, cenga azadiyê ye, Cenga berxwedan û serkeftinê ye,cenga rûmetê ye.Lewma em bang li hemu ciwanên Kurdistanê dikin ku tevli nav refên azadiyê bibin.
Serîna Baran:
Navê min Serîna Baran e.Ez ji Şehbayê me.Sedema tevlibûna min; Fikrên serokatî û Şehîd bûn.Serokatî felsefeya xwe pêş xist ku em li dij dijminê ku qirkirina li ser jinan dimeşîne û zarokan dikujê şer bikin.Ez ji bo tolhildana Kurdistanê û jinan tevli nav partiyê bûm.Ev ceng,cenga azadiyê ye.Em dixwazin ku hûn jî tevli Cenga Azadiyê bibin.
