BEHDÎNAN – Dewleta Tirk a faşîst ku polîtîkayên xwe yên şerê taybet belav dike, her roj bi dayîna hejmarên nerast ên ku xwe berovajî dike, radigihîne ku PKK qedandiye, ciwan û jinên ciwan bi tevlîbûna PKK’ê bersivê didin.
Bersiva din a dewleta Tirk a ku her cure polîtîkayên qirêj li ser gel û ciwanên Ereb dimeşîne, ji ciwanên Ereb hat û diyar kirin ku bi daxuyaniya xwe ya duh tevlî nava refên PKK’ê bûne. Hest û ramanên Ezîz Ereb û Berxwedan Jiyan ku weke ajansa Nûçe Ciwan bi daxuyaniyên xwe tevlî nava refên PKK’ê bûne, hatin wergirtin.
Ciwanan diyar kirin ku di bin bandora fikir û ramanên Rêberê Gelan Abdullah Ocalan de tevlî nava refên PKK’ê bûne, bang li gelên Ereb, Kurd, Suryan û hemû gelên Rojhilata Navîn kirin û gotin “Werîn Cenga Azadiyê”.
Ezîz Ereb ku ji Urdunê beşdar bû, bal kişand ser azadiya kes û civakan a bi fikrên Rêberê Gelan Abdullah Ocalan û wiha dewam kir:
Navê min heval Ezîz Ereb 3. Ez ji weletê Urdinê me, ez di bin bandora fikrê reberê Gelan Abdullah Ocalan de mam, fikra wî ya siyasî û leşkerî ew e ku kesayeta azad ya Ereb e. Derveyê vê tiştên ku ez dibînim koletî û kolonyalîzma welatên faşîst e. Bi van hemûyan re xala hevpar a ku me digihîne hev ew e ku em mirov in û mirovahî me dike yek. Rêber Abdullah Ocalan ramana siyasî Leşkerî û ramana mirovahiyê ji bo exlaqê kom kir. Sedema tevlîbûna min ya partiyê ne valakirina enerjiya min e, ji bo azadkirina ramana kolonyal û koletiyê ye ku di mejiyê min de ye, ji ber ku Rêber Abdullah Ocalan kesayetên wiha azad dike.
Ji bo min weke Erebekî ez dagirkeriya Tirk weke dewleteke koledar dihesibinim. Dewleta Tirk dewletekî koledare, dewleta Tirk li dijî gelên Asûrî-Kurd e, çekên qedexe bi kar tîne. Tevlîbûna min ne tenê ji bo têkoşîna leşkerî di nava refên gerîla de ye, ji bo stratejiya rast bidim jiyanê ye. Em her roj perwerdeyê dibinin. Em pêşdikevin û em çiqas pêş bikevin, baştir dibin.
Partiya Kedê ya Kurdistanê partiyeke mezin e û xwedî dîrokeke 44 salî ye. Ne partiyeke yek û du rojan e, hêjayî wê, îdeolojî û felsefeya wê ye. Partiyên ku di dema damezrandina Partiya Karkerên Kurdistan de hatin avakirin, ji ber ku ne xwedî ramaneke siyasî û leşkerî bûn û tenê ji bo razîkirina gel bûn, hemû hilweşiyan.
Banga min ji bo gelê Kurd û Suryanî ku tevlîbûna partiyê jiyana berxwedanê ye, jiyana azad e, şopandina Rêber Abdullah Ocalane. sembola welatê Ereban û sembola tevahiya rojhilata Navîn e. Îro dîroka partiyê bûye 44 sal. PKK partiyeke xurte û şerê we yê li ser erdê di warê leşkerî û siyasî de ji pir xurte, ez wekî kesek ji Ûrdine dibejim werin canga azadiyê werin cenga serkeftinê û bijî Rêber Abdullah Ocalan.
Berxwedan Jiyan ku ji Minbicê tevlî nava refên PKK’ê bû wiha got:
Sedema tevlîbûna min felsefeya rêber Ocalan û xilasbûna ji zihniyeta şerê taybet û zîhniyeta desthilatdariye ye. Hêza me hêza yekîtiyê û yek îradeyê ye. PKK rêya rast hînî gel û Rojhilata Navîn dike, rêya rast û rêya azadiyê. Ji ber vê ez jî hatim riya xwe di nava PKK’ê de berdewam bikim. Îro çil û çaremîn sala damezrandina partiyê ye, ji ber vê yekê ez bang dikim ku her kes were tevli rêyên serkeftinê bibin û werin ser riya azadiyê.
