NAVENDA NÛÇEYAN – Fermandariya Giştî ya YBŞ û YJŞ’ê ji ber salvegera 3’emîn a êrişa li ser Xanesorê ku bi destê çekdarên ser bi PDK’ê yên bi navê “Pêşmergeyên Roj” hate kirin daxuyaniyek weşand.
Di daxuyaniyê de hate gotin, “Beriya sê salan di 3 Adara 2017’de çeteyên bi navê Pêşmergê Roj di şexsê gelê me yê ku ji fermana 3 Tebaxa 2014 an xilas bûne û xwe li komelgeha Xanesorê bi cih kirine êrîşek namerdene pêk anîn. Lê belê, li hemberî vê êrîşê fedaiyên gelê Şengalê canê xwe kirin mertal û canê xwe ji bona gelê xwe fedakirin. Em van hevrêyên xwe yên ku bûne navê fedaîbûnê bi rêzdarî û mînnetdarî bibîrtînin.”
‘GEL WÊ TI CARÎ XIYANETÊ JI BÎR NEKE’
Fermandariyê diyar kir, ku gelê wan wê ti carî wan demên îxanetê ji bîr neke û destnîşan kirin, “Ne dewleta Tirk a faşist û dagirker ku dixwaze tevahî Rojhilata Navîn tijî çete bike û ne ji hevkar û sîxûrên wî yên herêmê wê ti carî negihîjin wan hedef û armancên xwe.”
YBŞ û YJŞ’ê ragihandin ku her şehîdek ji bo wan xeta azadî û têkoşînê ye û diyar kirin, “Ji Zerdeştan, Berxwedanan, Berîvanan, Çiyayan û Arifan ên ku di destpê kê xwe gihandine qêrînên gelê Şengalê, kedkara ragihandina azad Nûjiyan Erhan ya ku di destpêkê qêrînên gelê Şengalê bi tevahî cîhanê re ragihande, Nazê Naîf û Têkoşîn Serhad yên ku tu carî bejna xwe li hemberî îxanetçiya ne tewandine, Çiya Zerdeşt, Şoreş Sîba, Amed Şengalî ku bûne navê xeta têkoşîna azadiyê, Orhan Baran û Çekdar Sînan ku beriya YBŞ-YJŞ ava bibe xwe gihandibûn axa pîroz da ku gelê Şengalê ji destê çeteyan xilas bikin û erka xwe ya netewbûnê pêk binin bi rihek fedaiyane dest bi meşa azadiyê kirin û bûne sembola fedaîbûnê tû caran nayên ji bîrkirin. Ew, di her kêliya jiyana me de ji bona me wê bibin hêlrêkerê têkoşîna me ya azadiyê.”
‘YBŞ-YJŞ DI NAVA ŞER DE LI DIJÎ XIYANET Û FERMANÊ AVA BÛN’
Di daxuyaniyê de hate bibîrxistin ku hêzên YBŞ û YJŞ di nava şer de li dijî xiyanet û fermana 3’ê Tebaxa 2014’an ava bûn û hate gotin, “Bi hêz, bawerî, moral û gêrêdanbûyîna ku me ji hevrêyên xwe yên şehîd girtine roj bi roj me hêza xwe mezin kir û em mezin dibin. Felsefe û birdoziya Rêber Apo ku di serî de ji bona gelên Rojhilata Navîn û tevahî Cîhanê bûye riya xeta moderniteya demokratîk, ji bona me û gelê me ji bûye rêya azadî û meşaleya herî mezin ya têkoşînê. Qeyrana roja me ya iro de li Rojhilata Navîn pêk tê bê gûman çareseriya we ji Rêber Apo ye. Yên ku naxwazin çareserî çêbibe, tecrîda li ser Rêber Apo girantir dikin. Bila ev yek baş were zanîn; ev tecrît û agirê ku li gireva îmralî pêk anîne ne tenê li îmraliyê ye, li hemberî tevahî Kurdistan û gelên Rojhilata Navîn hatiye pêk anîn. Em baş dizanin, bila dost û dijminên me ji baş bizanibin; ew roj wê were ev agir tevahî xayin, çeteyan, dagirkera û hevkarên wan wê di nava xwe de bişewitîne.
Ji 3 Tebaxa 2014’an heya roja me ya îro dewleta Tirk ya faşîst û dagirker û hevkarên wî dest ji êrîşên xwe bernedane, berûvajiya hîn jî dijwartir êrîşe gelê me dikin. Rejîma Erdogan ku tûnebûna xwe di têkoşîna azadiyê de dibîne destketiyek yê gelê Kurd û gelên herêmê li ku derê dibîne bi hovane êrîş dike. Lê belê vê carê ji rastî têkoşîna gelê me yê Şengalê ku bê tirs hatin. Tevahî xeta îxanet, dagirkerî, çeteyîtî û qirker wê di Şengalê de bin bikevin û wê tine bibin. Soza me eve, soza me rastiya gelê me û şehîdên me ye. Em ti carî rê nadin xeta teslîmiyet û xiyanetê. Li hêmberî êrîşên dijmin yên ser Xanesor, Dugirê û tevahî gelê me yê Şengalê pêk anîne em ê xwe zêdetir birêxistin bikin û hêza xwe mezintir bikin.”
