IDLIB – Têkildarî bomberdûmana balafirên şer ên Rûsya çepmeneiya Ereb, çavkaniyên herêmî û tevnên civakî gelek agahiyan parve dikin.
El Arabiye diyar kir ku bi kêmanî 10 leşkerên Tirk hatine kuştin. Hinek çavkaniyên herêmî jî ragihandin ku 37 kuştî, 20 jî birîndar bûne.
Navenda Çavdêriyê ya Mavê Mirovan a Sûriye ku navenda wê Londone, jî diyar kir ku li Cebel Zaviye, Zakum û Sehl El Gabê bi kêmanî 37 kes mirine.
Çavkaniyên herêmî jî ragihandin ku hejmara rast gelek zêdetirin.
ÎDÎAYA ‘100 CENAZE ANÎN’
Li gorî nûçeya Ajansa Mezopotamya ku agahiyan dispêre çavkaniyên herêmî, Nexweşxaneya Dewletê ya Reyhanlî ji sivîlan re hatiye girtin û banga xwestina xwînê tim tê kirin. Di heman nûçeyê de çavkaniyan ev agahî ragihandine: “100 cenaze anîne nexweşxaneyê û tê gotin ku bi dehan birîndar jî hene. Ji bo Nexwexaneya Nû ya Hatayê cenazeyê 32 leşkeran û bi dehan leşkerên birîndar anîne. Gel li ber derê nexweşxaneyan kom bûne. Li ser sînor tevgera zêde ya leşkerî heye. Sînorê Ogulpinarê weke herêma qedexe hate îlankirin. Tê gotin ku wê gundên li ser sînor jî bên valakirin. Beşa leşzgîn a Nexweşxaneya Dewletê Îskenderûn ji bo birîndaran hatiye cudakirin. Tê gotin ku wê henû nexweşxaneyên Hatayê ji bo leşkerên birîndar bê veqetandin.”
Heta niha ti agahiyek fermî nehatiye pavekirin, di dîmenên li ser tevnên civakî tên parvekirin de, windayên zêde hene.
DENGÊ HATÎ TOMARKIRIN: MORG JI CENAZEYAN TIJE NE
Di dengên hatine tomarkirin ên li ser tevnên civakî hatine parvekirin de jî kesekî tê îdîakirin ku li nexweşxaneya dewletê ya Reyhaniyê dibêje: “Li beşa Morgê me tabutê 58 şehîdan hejmart. Hê jî niha şehîd bi domdarî tînin nexweşxaneyê.”
Keseke din jî vê dibêje: “Me 25-30 şehîd bi Kîrpiyê şandin Nexweşxaneya Dewletê ya Hatayê. Hê jî di bin axê de mane. Rewş cidî ye, bi qasî wan birîndar jî hene.”
Keseke kelegirî jî dibêje: “Rewaş vir pir xirab e, şehîd hê jî tên. Wesayît tije şehîd in. Xudê alîkarên tev li vir bin.”
DAXUYANÎ TINE, LÛTKEYA EWLEKARIYÊ HATE KIRIN
Dewleta Tirk hê ti daxuyaniyek fermî nedaye. Li Bêştepeyê Lûtkeya Ewlekariyê civiya. Li gorî çapemeniya Tirk, lûtkeya bi pêşengtiya Serokkomarê Tirk Recep Tayyîp Erdogan tê kirin Wezşrê Parastinê ya Mîllî Hûlûsî Akar, Wezîrê Karê Derve Mevlût Çavûşoglû, Serfermandar Yaşar Guler, Fermandarên hêzê û Serokê MÎT’ê Hakan Fîdan jî cih digire.
RÛSYA: TIRKIYE PEYMANA SOÇIYÊ BINPÊ KIR
Di demekê de ku ev bûyer rû didian Wezareta Parastinê ya Rûsya daxuyaniyek da. Di daxuyaniya wezaretê de ev hate gotin: “Aliyên Tirkiyeyê peymana Soçiyê bin pê kir, li devera bê şer a Idlibê bi topbaranê desteka xwe ya ji bo çeteyên ne fermî didomîne.”Wezaretê anî ziman Tirkiye bi dronan jî êrîş dike.
Wezareta Parastinê ya Rûsiayyê her wiha diyarkiribû ku roja Sêşemê droneke Tirkiyeyê dema xwest li leşkerên Sûriyeyê bide sînor derbas kir, hatiye xistin.
Alî sala 2018’an li bajarê Soçî yê Rûsiyayê li hev kiribûn. Li gorî peymanê wê li herêma Idlibê nuqteyên çavdêriyê bihata avakirin. Lê ev peyman di hefteyên dawî de hate xirakirin.
