NAVENDA NÛÇEYAN- Tevgera Ciwanên Şoreşger (TCŞ) û Jinên Ciwan ên Azad (JCA), di derbarê êrîşa faşîst ku li bajarê Elmanya Hanauyê pêk hat û 9 kes jiyana xwe ji dest dan de daxuyaniyek dan.
Di daxuyaniyê de hat gotin ku “Di êrîşa faşîst a li bajarê Hanauyê êvarî pêş ketî de 9 kes ku di nava wan de Kurd jî hene, jiyana xwe ji dest dan. Berpirsiyarên vê êrîşa faşîst ku eşkere bibû, her çiqas wek 2 neo-nazî hatibe dîtin jî, berpirsiyariya siyasî ya Dewleta Elman e”. TCŞ û JCA yê ku li hemberî faşîzmê banga têkoşînê kir, gotin ku “ Ji bo ku ev komkujiyan raweste, di serî de ciwanên Kurd, ciwanên şoreşger û demokrat, divê bi şiyara ‘Faşîzmê Nehêle’ ve bikevin qadan”.
Daxuyaniya hevpar a TCŞ û JCA wiha ye;
Em êrîşê şermezar dikin!
Şevedî li bajarê Elmanya Hanauyê ku 25 km ji Frankfurtê dûr ê, ji aliyê Neo-Naziyan ve di du cihan de êrîş pêk hatin û piranî Kurdistaniyan 9 kes jî hatin qetilkirin.
Ev êrîş, xeteriya nêzîk û vekirî yên nîjadperestiya ku cîhan rûbirû ye û gotinên rikberiyê nîşan dide.
Ev êrîş, encama cihêkariya ku desthilatdarên cîhanê afirandiye û xistiye nava civakê ye. Ne tenê pirsgirêkek civakî ye, pirsgirêkek siyasî ye jî. Di demên dawî de pêşketina tevgera rastgir û şovenîst, yek bi yek polîtîkaya dewletê ye. Dewleta Elman ku her û her lêgerîna mafên xwe ya penaberên şoreşger-demokrat krîmînalîze dike, ji Neo-Naziya qetlîmker re ew wek hedef nîşandan. Hişmendiya Neo-Nazî ku wek DAÎŞê komkujiyan pêk tîne, îro, di bin navê siyaseta legal de destê xwe xurt kiriye. Ev hemû jî nîşanên têkiliya faşîzm û dewletê ye.
Ev êrîş, encama polîtiqayên dewleta Elman a nîjadperest e
Bi salane Dewleta Elman, saziyên legal ên Gelê Kurd û şoreşger û demokratan digire, siyasetmedarên wan digre û ji çalakiyên wan ên rewa re êrîş dike. Polîsên ku li hemberî dirûşmeyên me bi hovane êrîş dikirin, di komkujiya ku duh pêk hatî de li ku bûn? Di demek ku hema her roj planên Neo-Naziyan li ser penaberan derdikeve holê de, çawa 2 êrîşkar bi hêsanî komkujiyek wisa pêk tînin. Her çiqas êrîş ji aliyê du Neo-Naziyan ve pêk hatibe jî, berpirsiyara êrîşê Dewleta Elman ê ku nîjadperestî û rikberiyê har dike ye.
Komkujiya pêkhatî, divê jirêzê neyê dîtin. Duh DAÎŞ, îro Naziyan… Di parlamentoyan da xurtkirina Naziyan, afirandina DAÎŞa Elmanya ye. Dewleta Elman ku jê re çavên xwe digre, yek bi yek berpirsiyara vê komkujiyê ya yekemîn e. Dewleta Elman ku ji bo 100 ciwanên Kurd 1000 polîsan peywirdar dike, çawa destûr da ku ev komkujî pêk were. Qetilker, divê ji gelên li Elmanya dijîn re hesab bidin.
Di pêngava “NEHÊLE” ku me wek Tevgera Ciwanên Şoreşger (TCŞ) û Jinên Ciwan ên Azad (JCA) dabûn destpêkirin de, li Ewropayê, şiyara ku herî zêde bandora xwe çêkir şiyara “Faşîzmê Nehêle” bû. Em ê wek TCŞ û JCA vê pêngavê mezintir bikin. Ji bo ku ev komkujiyan raweste, di serî de ciwanên Kurd, ciwanên şoreşger û demokrat, divê bikevin qadan. DAÎŞ, bi destê dewletan nehat tunekirin, bi hêza gelê me û mirovahiyê hat qedandin. Roj roja herikîna qadan û gotina “Faşîzmê Nehêle” ye.
Bila herkes bizanibe ku em bi hêrs in. Ji vê komkujiya eşkereyê re bi hêrs in. Ji polîtîkayên Dewleta Elman ên ku nîjadperestî û rikberiyê har dike re bi hêrs in. Di serî de li ser ciwanên Kurd, ji polîtîkaya tunekirina fizîkî û manewî yên li ser gelên penaber re bi hêrs in.
Çareserî, ji têkoşînê derbas dibe
Bi hêrsa dîtina mezinbûna nîjadperestî, cihêkarî û gotinên rikberiyê ya li ser cîhanê, em hemû raya giştiya demokratîk vedixwînin da ku li hember sucên hovane, tundî yên dijî-mirovahiyê têbikoşin û bêjin “NEHÊLE”.
Li hember êrîşên nîjadperestî û faşîst, çareserî ji têkoşînek civakî derbas dibe. Ji îro pê de di serî de li ciwanên Ewropayê, bang li saziyên şoreşger û demokrat û gelên şoreşger û demokratîk dikin da ku li hemberî vê êrîşa nîjadperest bibin deng. Em sersaxî ji malbatên ciwanên me ku jiyana xwe ji dest dane dixwazin.
Tevgera Ciwanên Şoreşger
Jinên Ciwan ên Azad
