MEXMÛR – Yek ji mijara sereke ya gel Kurd li çar parçeyê Kurdistan yekîtiya neteweyî ye, di dîroka Kurdistanê de xeta berxwedan û xeta îxanetê weke çemekê bi hevre herikîne. Endamê Tevgera Ciwanên Dilgêş Bîlge ji ajansa me re axivî û wiha got: “Xeta xiyanetê ku di nava gelê Kurd de heyî bi awayekî metingerî berdewame.”
Dilgêş Bîlge destpêkê bal kişand li ser xeta xiyaneta di nava Kurdan de û wiha got: “Wek tê zanîn di nava gelê Kurd de xeta xiyanetê bi şêwazekî metîngerî tê meşandin. Di tevahiya Kurdistanê de sîstemên emperyalîst yanî dewletên desthilatdar xeta xiyanetê bi awayekî mîsoger li ser gelê Kurd daye ferz kirin û li ser wî bingehî dixwaze civakê bi sîstema xeta xiyanetê ve mecbûr bihêle. Em jî weke ciwanên wargehê tiştên ku sîstem li ser me dide ferzkirin qebûl nakin. Her çiqas di aliyê xiyanetê de li hemberî me êrîş jî were kirin, her tim li beramberî wê pêwîstî bi têkoşînekê jî heye. Ev têkoşîn jî pêwîstî bi Ciwanên Şoreşger û civakek şoreşger heye ku tu bikaribî xeta xiyanetê bişkênî.”
‘Êrîşên li Başûr bi xiyanetê dewam dike’
Bîlge bi lêv kir dagirkeriya dewleta faşîst ya TC û hevkarên wan her diçe zêde dibe û ji navbirina hemû tevgerên ji bo azadiya Kurdistanê ji xwere kirine armanc. Û got, ji bo vê yekê xwe rêxistin kirina gel û ciwanan ya li beramber hemû dijminên Kurdistanê erkek yê welatparêziyê ye. Bi taybet divê ciwanên Kurd xwedî li xaka xwe û welatê xwe derkevin.
Bîlge got, îro di Başûrê Kurdistanê de dewleta Tirk li ser tevahiya gelê Başûr xeta xiyanetê daye ferzkirin û wiha domand: “Wek tê zanîn ji her alî ve li ser gelê Başûrê Kurdistanê êrîş tê meşandin, ji xwe li ber çavane pêşiya niha du roj bi rêya xiyanetkarên herêma Başûrê Kurdistanê yên ku xwe wek desthilat didin nişandan êrîşekî hewayî li ser wargehê hat kirin. Ev tê wê wateyê ku xeta xiyanetê di Başûr de hatiye rûnişkandin û tê meşandin. Eger li hemberî xeta xiyanetê xeta xwe parastinê, xetekî tolhildanê neyê meşandin, dibe ku dema pêş de êrîşên hîn girantir li ser gelê me were meşandin. Hêvîya me ji gelê me ew e ku li hemberî xeta xiyanetê, xetek tekoşînê bide meşandine.”
‘Bingeha netewbûnê bi ciwanan û gel saz dibe’
Her wiha Bilge di derbarê Yekîtiya Netewî de jî nirxandin kir û got: “Bingeha netewbûyînê pewîstiya herî girîng, li tevahiya Kurdistanê pêwîste ciwanên şoreşger yên ku xwe weke xeta Mazlum Doxan, Alî Çîçek û Egîdan pênase dikin, pêwîste li ser bingehek rast û fikrekî rast tevbigere. Ji bo netewbûyînê kombûyînek were avakirin, heger nikarin vê bikin û sazûmaniya wê neyê kirin dibe ku li beramberî heman êrîşan rû bi rû bimînin. Bingeha netewbûnê bi ciwanan û gel saz dibe. Eger di vêderê de ciwan rolê xwe nelîzîn an jî gel rola xwe nelîzîn netewbûyîn jî qels dimîne. Ji bo ev qelsbûyîn neyê jiyan kirin, pêwîste têkoşînek bêhempa were kirin. Ev têkoşîn jî bi vî awayî dibe, di her alî de xwe ji bo her tîştî xwe berpirsiyar dîtine. Heger îro em vê têkoşînê bi awayekî rast nedin meşandin, tê wê wateyê ku wek me li jor jî daye diyarkirin ku xeta xiyanetê ya ku li Başûrê Kurdistanê ji bo xwe weke xetek normal dibînin û pejirandine û li hemberî tevahî gelê Kurd dide meşandin, di wî alî de em ê jî ber bi zinaran ve biçin. Ji bo wê jî pêwîste ciwanên me xwe di her alî de amade bike çi aliyê îdeolojîk be, çi ji aliyê rêxistinî be pêwîste hertim amade bin. Ji ber ku îro di Kurdistanê de şerê hebûn û tunebûnê ye êrîşên li ser gel û ciwanan tê wê wateyê ku yan em ê hebin an jî em ê tune bibin. Ji bo em tune nebin pêwîste em li hemberî her cure êrîşên ku li ser gelê me, li ser civaka me, li ser ciwanên me bisekinin û têkoşîn rast bidin meşandin ku bikaribin serbikevin.”
‘Em ê li hemberî her cure radestkirin û xiyanetê li ber xwe bidin’
Bîlge diyar kir ku netewbûyîn tişta herî girînge ji bo tevahî gelê Kurd û nirxandinên xwe wiha domand: “Dewleta Tirk dixwaze gelê Kurd bi girtina Rêbertî di ezmunekê re derbas bike. Heger ev netewbûyîn, yekbûyîn neyê sazkirin jixwe dijmin weke ku tu parçeyek goşt jêbikî wisa dixwaze hinek tiştan ji te qut bike yan jî bigre. Em ê jî heta dawiyê tekoşîn bikin, em weke ciwanên Mexmûrê heta dilopa xwîna xwe ya dawî bi Rêbertiya xwe, şehîdên xwe û gelê xwe ve girêdayîne. Qasî dilopek xwîna me jî hebe, em ê li hemberî her cure radestkirinê û her cure xiyanetê li ber xwe bidin, têkoşîn bikin û yekîtiya netewî, yekîtiya gelê Kurd ava bikin û soz didin ku heta dawiyê em ê li pey Rêbertiya xwe û şehîdên xwe bin.”
NC/Argêş Kara
