HESEKÊ – Di sala 1999’an de bi dîl girtina Rêber Apo gelê Kurd û dostên wî bi avayekî mezin rabûn serhildanan û bi şîara “Hûn Nikarin Roja me Tarî Bikin” laşên xwe dan ber agirê. Gêlê Kurd ê ku li Avrupa jiyan dikir, her çar parçeyê Kurdistan gel di pêşengtiya ciwanan re rabû serhildanan û xwedî derketina xwe ya li beramberî Rêber Apo nişan da.
Terfe Hecî Elî jî giredanbûna xwe bi Rêber Apo ajansa mere axivî û nirxandinê xwe de behsa giredanbûyina xwe bi Rêber Apo re kir. û Bi xwe jî roja ku Rêber Apo tê girtin heya nîna jî malê xwe dernakeve. Terfe Hec Elî got; “Divê em Serokê xwe xilas bikin. Edî weke Kurd nema sebra me maye. Bi çi avayî dibe em wî azad bikin.”
Bandorek pir mezin li min çêkir
Ez Terfe Hecî Elî me. Rojbûna min 1978’e. Zarokatiya min de qeza bi minre çêbûye. Min dixwest ez tevlî partiyê bibim, lê pirsgirekê min taybetî heye ez nikarim tevlê partî, kar û xebata partî bibim. Lê ez hevaltiya xwe bi Serokatiya xwe re dinav çar diwaran de didomînim.
Di sala 1992’an de dîmenên wî ji min re dihatin û kêfamin jêre dihat. Di sala 1995’an de MED TV vebû min jiyana hevalan bêhtir li vir gûhdar kir, Serokatî guhdar kir, min ya şehîdan gûhdar kir. Bandorek pir mezin li min çêkir. Piştî vî di sala 1999 an de Rêbertî hate girtin. Girtina Rêbertî ser min bandorek pir mezin çêkir. Ji vî çaxê de ez di nav çar diwaran de ji bo na Rêbertî jiyan dikim.
Dixwazin bi Kurda û Rêbertî ji hev biqetînin
Ev tecrîda liser wî em şermezar dikin, em lanet dikin. Ev tiştên ku liser Serokatî tê dewleta Tirk tenê bi serê xwe nake, bi hevalbendên derdora xwe dike, bin siya dewletan de dike. Tirkiye tenê bi serê xwe tiştek nake. Dixwazin bi Kurda û Rêbertî ji hev biqetînin, lê hêza wan tûne.
Dixwazin Rêbertiya me ji me dûr bixin, lê nema karin. Rêbertiya me bi fikrê xwe azade. Di nav çar diwaran de ye bes bi rih,bi fikir bi mere ye.
Fikrê wî di gişt dinyayê de belav bûye. Zarokê biçûk jî tên dinyayê dibêjin “Bijî Serok Apo.” Mezin çawa pêre girêdayî nebin?
Tiştê ku Serokatî bi mere kirî kesek ji mere nekiriye
Bêhtir axaftina Rêbertî liser jin heye. Dema derket çû digot; “ Hevaltiya min ya bi jinê re nivço mayî divê hûn berdewam bikin.” Em hevaltiya xwe bi Serokatiya xwe re berdevam dikin. Soza ku me jê re dayê, em derbasi 2023’an dibin em disa soza xwe ji Serokatiya xwe re dûbare dikin. Em heta dawiya jiyana xwe jî bi Serokatiya xwe re bibin.
Temena Serokatî bûye 73 sal wê bikeve 74 sal, em naxwazin Serokati di 74 saliya xwe di zindanê de jiyan bike, em dixwazin dervayî zindanê de bi mere jiyan bike. Tiştê ku Serokatî bi mere kirî kesek ji mere nekiriye. Ji ber ku axaftina Serokatî bêhtir liser jinê ye, jin bêhtir bi Serokati re girêdayî ye, Serokatî bêhtir di jiyana xwe de tiştek pir girîng dibîne. Serokatî 24 sale di zindanê de ye. Ne 21 mehe, ev 24 sale, Serokatî roja ketiye zindanê de di bin tecrîtê de ye.
34 dewlet ji bo Serokê me hatin gel hevdû
Serokatî beriya ku were girtin her tişt girti bû ber çavên xwe. Girtin jî dabû ber çavên xwe, tecrît jî dabû ber çavên xwe. Ev dewlet hemû hatin gel hevdû, Serokatî dizanîbû were girtin. Tiştên Serokatî dibêje giştî cihê xwe de ne. Serokatî çi axaftinê dibê jî wekî wî te gotin. Dema qala azadî dibe, axaftinek wî tê bîramin, min di pirtûka wî de gûhdar kiriye. Digot “Azadiya min zehmet e.” Ez hîn jî axaftina wî difikirim. Dema heval heremek azad dikin, em dibêjin valle heval vîr xilas kirin, lê Serokatî ne azade û em xwe azad nabînin, em xwe aram nabînin. Dijmin roj bi roj erîşan li ser me dike, êrîşê milet dike, êrîşê hevalan dike. Ev nema dijmin re tê qebul kirin. Dijmin vî tiştî tenê serî xwe nake. 34 dewlet ji bo Serokê me hatin gel hevdû. Divê em Serokê xwe xilas bikin. Edî weke Kurd nema sebra me maye. Bi çi avayî dibe em wî azad bikin.
Hevaltiya min bi Serokatî re heya dawî bibe
Ez ne nav hevalan jî deme bes rihê min ya hevaltiyê di hûndirê de ez bi Serokê xwe didomînim. Me sozek bi Serokatî re daye, me bi şehîdan re daye. Axaftinê wî li ser şehîdan jî heye. Digot “Hûn şehîdan ji bîrbikin hûn îxanetê dikin. Xayîntî mirine, tû carî ji şehîdan ji bîr nekin. Divê hûn bi şehîdan re girêdayî bin.” Dema heval Hakî Karer jiyana xwe ji dest da Serokatî got min wî weke rihê xwe ya veşartî dît.” Ji bo vî ji vê çaxê de em şehîdan ji bo xwe girîng dibînin. Mîna Serokatî em jî şehîdan ji xwere girîng dibînin.
Divê em Serokê xwe azad bikin. Divê Serokatî li Îmralî nemîne. 24 sale agahiya me jê tûne. Em nizanin bi çi avayî jiyan dibe. Ez xwerina wî difikirim, ez razana wî difikirim, tenê hiştîna wî difikirim. Ez tenê ji xwe re bi dîmena wî diaxivim, ez awazan fêr dibim, ji bo wî awazan çêdikim. Hevaltiya min bi Serokatî re heya dawî bibe.
NC// Baran Mawa
