MEXMÛR – Di pêşengtiya Tevgera Jinên Ciwan ên Mexmûrê de, 38’emîn salvegera pêngava 15’ê Tebaxê hate pîroz kirin.
Li Wargeha Penaberan ya Şehîd Rustem Cûdî ya Mexmûrê, 38’emîn salvegera pêngava 15’ê Tebaxê, di pêşengtiya Tevgera Jinên Ciwan ên Mexmûrê de, di êvara 8’ê Tebaxê de, bi meşeke meşalayî hate pîroz kirin. Meşa jinên ciwan bi tevlîbûna sedan ji şêniyên wargejhê, ciwan û jinên ciwan ve hate li darxistin.
Meşa ku di pêşengtiya jinên ciwan de hatî li darxistin, li ber deriyê Saziya Malbatê Şehîdan destpêkir, û bi coşeke mezin di nava wargehê de derbas bû, piştî wê li parka şehîd Aryen Cûdî vegerî moraleke bi coş.
Beriya ku moral destpêbike, ji bo bîranîna tevahî şehîdên şoreşa Kurdistanê, di şexsê şehîdên 15’ê Tebaxê de deqeyeke rêzgirtin hate girtin. Piştî wê ji aliyê Sîpan Yaman ve daxuyanî hate xwandin. Di daxuyaniyê de Sîpan kişand ser rêxistinbûyîna şêniyên Wargehê û got; “”Em weke Tevgera Jinên Ciwan ên Mexmûrê û Tevgera Ciwanên Mexmûrê, emê xwe bi rihê pêngava 15’ê Tebaxê bi rêxistin bikin, yekbûna xwe ava bikin û derbeyên giran li dagirkeran bixin.”
Bi temamî daxuyaniya ku hatî dayîn wiha ye;
“Di destpêkê de em salvegera 38’an ya pêngava şoreşgerî a 15’ê Tebaxa 1984’an, ku bi pêşengtiya rêheval Egîd hatiye despêkirin, bi rihê gerîlayên ku derbeyên giran li dijminê faşîst û qirker dixin, pîroz û pêşwazî dikin. Di sala 39’yemîn de jî, emê weke ciwan tevlîbûna xwe hîna xurtir, bi rihê Egîdên serdemê çêbikin.
Pêngava 15’ê Tebaxê ji bo me gelê Kurd, û bi taybet ji bo çînên bindest, li hemberî Dehaqên serdemê, pêngavekî nû ya serhildanê bû. Li hember dîroka ku dihate qirkirin, weke bersiveke xurt bû, û ji bo tevahî gelê Kurd nivîsandina dîrokekî nû bû. Rihê ku di 15’ê Tebaxê de hatibû ava kirin, îro careke din di şexsê gerîlayên serdemê de xwe dide der. Ev rih bû hêza berxwedanê ya gel û gerîla, bi vê rihê em ber bi sala 39’an ve diçin.
Weke tê zanîn şerê cîhanê yê sêyemîn, îro bi destê tevahî dewlet û hêzên hegoman ve tê rêve birin, heman demê de peymanên sedsalê jî temam dibin. Bi vê re jî girêdayî, hêzên dagirker yên li ser xaka me êrîşên xwe hîna zêdetir dikin, bi hemû hêza xwe êrîşî destkeftî û îradeya me dikin. Êrîşên dagirkeriyê çiqas zêde dibe, ewqas berxwedana gel jî zêde dibe. Emê bi gotina şehîd Reşîd Serdar a ku dibêje; “Eger gel û gerîla bibe yek, ne dijmin, siya dijmin jî li ser axa me namîne.” têkoşîna xwe bilind bikin.
Dewleta Tirk di bin navê Operasyona Pence Kilît de, êrîşên xwe yên hovane li ser Gerîlayên Azadiya Kurdistanê zêde kirine. Hesabê ku wan li Enqera dikir, li çiyayên Kurdistanê pûç bûn, ji ber ku rastî berxwedaneke mezin ya gerîlayan hatin. Di operasyoona ku dixwastin tevgera azadiyê pê kilît bikin, ew bi xwe kilît bûn. Desthilata AKP-MHP’ê yê ku xwe li ser xwîna gel ava kiriye, bê hesab êrîş dike.
Em weke Tevgera Jinên Ciwan ên Mexmûrê û Tevgera Ciwanên Mexmûrê, emê xwe bi rihê pêngava 15’ê Tebaxê bi rêxistin bikin, yekbûna xwe ava bikin û derbeyên giran li dagirkeran bixin. Yên ku dixwastin çongê me bidin tewandin, emê çong li wan bidin tewandin, emê navê wan di nava çopa dîrokê de binivîsin.
Em bang li tevahî kesên berxwedêr dikin ku, di salvegera cejna vejînê de, bi dirûşmeya “JI GULEYA DESTPÊKÊ BER BI SERKEFTINÊ VE, SALA 39’AN BIKIN SALA AZADIYA FÎZÎKÎ YA RÊBER APO”, li hember hêzên dagirker û qirker serî hil bidin.
Li ser vê bingehê em di destpêkê de salvegera 38’an li Rêber Apo, gerîlayên ku îro di çiyayan de li berxwe didin, li hemû gelên bindest û gelê Wargeha Penaber ya Şehîd Rustem Cûdî pîroz dikin.”
Piştî ku daxuyanî bi dawî bû, sinevizyona ku derbarê 15’ê Tebaxê de, ji bo çalakvanan hatî amade kirin, hate pêşkêş kirin. Her wiha di dawiya wê de jî bi gerandina dîlan û berz kirina siloganên weke “Bijî Serok Apo, Bijî Berxwedana Gerîla, Bijî 15’ê Tebaxê” çalakiya jinên ciwan bi dawî bû.
