NAVENDA NÛÇEYAN –
Nasnav: Bêrîtan Timoqî
Nav û Paşnav: Welat Argış
Cihê Jidayikbûnê: Batman
Dîrok û Cihê Tevlîbûnê: 2011/Batman
Dîrok û Cihê Şehadetê: 24’ê Adara 2012’an li Hîzan-Xerzan
Ji Bo Bîranîna Rêhevala Bêrîtan Timoqî
Jineke ciwan a şoreşger wateyên pir mezin li pratîka xwe ya di nava jiyana gerîla de barkirî, rêhevalek wê ji roja yekê ve ew tevlî nava refên gerîla bûye heta şehadeta wê dinase, çîroka wê ya gerîla wiha vedibêje:
“Rêhevala Bêrîtan, di sala 2011’an de tevlî nava refên partiyê dibe. Ji gundekî girêdayî qada Sasonê bû. Navê eşîreta wan Timoqî ye. Hevala Bêrîtan, keçmama wê ya bi navê hevala Rûken ku di heman pevçûnê de şehîd dikeve, bi hev re tevlî nava refên me bûbûn. Navê rastî yên hevala Bêrîtan Welat Argış e. Dema me jêre got tu dixwazî em çi navî li te bikin, wê ji me re got bila navê min Welat bimîne. Navê wê bavê wê lêkiribû. Bavê wê jî piştî çend rojan tevlîbûna hevala Bêrîtan û pêde, dema bi hevalan re dikeve nava têkiliyê ji hevalan re dibêje navê wê nedin guhertin. Bavê wê ji ber ku bi salan di zîndanê de mabû, diyardeya welat ango war li gel wî wateyeke xwe ya cuda dabû avakirin. Ji ber vê sedemê, ji bona bavê hevala Bêrîtan, ango wateya Welat seknekî li hember wan navên li me dikin û helandinê didan raberkirin bû. Hizra wî ya ku divê mirov ticaran welatê xwe jibîrneke, wî dida diyarkirin ku bi navê Welat re her tim xwestiye welat zindî bigire.
Hevala Bêrîtan derdora malbata wan heta tu bibêjî welatparêz e û li maleke pir caran heval diçûn gel wan lêmezin bûbû. Li derdora malbata wan jimareke pir zêde tevlîbûn hebû. Dema ku hevala Bêrîtan dixwaze tevlî gerîla bibe, hevalê Ş. Mustafa randewiya roj û seatekê dabû wê. Dema ku birayê wê vê agahiyê dibîhîse, ji bona ku hevala Bêrîtan dernekeve ji derveyî malê ew li ber derî xew dike, lê bi vê rêkê jî nekarîbû li pêşiya wê bigire.
Ji ber ku hevala Welat di mijara tevlîbûna gerîla de bi biryardar bû. Bi destê sibê re tiştên ji wê re pêdivî pê heyî dixe çenteyê xwe û di pencereya malê re derdikeve, bi lezginî ji malê dûr dikeve û ber bi cihê hevdîtina hevalan ve dimeşe. Ez jî di nava gruba randewiyê de bûm. Hevala Bêrîtan bi qasî seatekê jî mabû li benda me.
Me, ew ji cihê randewiyê girt û bê ku em bidin sekinandin, me ew anî gel hevalan. Me ji wir jî ji bona ku perwerdeyê bibîne, me ew rêkir qadeke din.
Me ji wê re qala hevala Bêrîtan a di sala 1992’an de li qada Xakûrkê li dijberî dijmin heta fîşeka xwe ya dawiyê şer dike kir. Me jê re got heta dawiyê li ber xwe dide piştî ku fîşekên wê xilas dibin û pêde xwe ji latê davêje û digihîje şehadetê. Me qala giranbûyîna navê Bêrîtan û girîngiya wê ya ji bona me dikir û me dixwest bidî fêmkirin ku naveke mirov bi rihetî nikare bide rakirin. Me da diyarkirin ku ger israra te ya wêrekbûnî, biryardarî û têkoşînê li gorî wî navî be, wê heval te layîqî wî navî bibînin. Bi kinayî bi qasî ku ji destê me hat, me xwest em wateya xeta Bêrîtan ji wê re vebibêjin.
Daxwaza Hevala Bêrîtan jî di şopa hevala şehîd Bêrîtan de bi kûranî lêhûrbûnî bike û di artêşbûyîna jinê de biryardariyeke bide raberkirin bû. Tevlîbûneke wê ya wiha hebû. Piştî wê malbata wê jî wate dan vê tevlîbûna wê û ew pîroz kirin.
Hevala Bêrîtan, demeke diyar li gel hevala Ş. Berfîn dimîne. Nêzîkî pratîkeke mehekê jiyan kir. Tevlî çalakiyan jî bû. Ez dikarim bi hêsanî bibêjim ku ger ew şehîd neketibûna dikarî pêşketinên gelekî mezin jiyan bikiribûna jî. Daxwaz û biryarbûyîna di wê de bala hemû hevalan jî kişandibû serxwe. Hevala Bêrîtan di 24’ê Adara 2012’an de bi Ş. Arjîn û Ş. Berfîn re bi 15 rêhevalên me yên jin re bi lehengtî li hemberî dijmin li ber xwe dan û di wê pevçûna ya derbasî dîrokê bûyî de şehîd dikeve. Wan têkoşîna jinê bilind kirin û dan mezin kirin.
Hevrêyên Wê Yên Têkoşînê
