ÎZMÎR
Li Îzmîrê, bi deh hezaran kes li Qada Gundogduyê li hev kom bûn û Newrozê bi çoş pîroz dikin.
Li Îzmîrê, pîrozkirina Newrozê ku bi şîara “Dem, dema serkeftinê ye” tê pîrozkirin, bi dûrişmeya “Bijî Serok Apo” û “Em ê bi berxwdanê qezend bikin” dest pê kir. Îzmîrî, di saetên serê sibehê de ji bo ku bikevin Qada Gundogdûyê ji gelek deverên bajar hatin ber du nuqteyên kontrolê û li hev kom bûn. Girse saet di 13.00’an de ke qadê. Partiyên siyasî û sendîka bi pankart û dovîzan bi awaeykî kortej ketin qadê. Jin û ciwan bi kincên xwe yên herêmî tevlî Newrozê bûn û reng dan pîrozbahiyê.
JI QADÊ DÛRIŞM BILIND DIBIN
Bi deh hezaran kesên ku li Qada Gundogdûyê li hev kom bûne û daxwaza azadiya Rêberê Gelan Abdullah Ocalan dikin, timik dûrişmeyên “Bê Serok jiyan nabe”, “Bijî Serok Apo”, “Em ê bi berxwdanê qezend bikin”, “Silav silav hezar silav li Ocalan” , “Bijî têkoşîna gelan” , “Kurdistan wê ji faşîzmê re bibe goristan” û “Denîz Poyraz nemire” hatin berzkirin.
ŞIRNEX
Gelê Silopiyayê bi cil û bergên xwe yên kurdî û bi rengên xwe yên kesk, sor û zer diherike qada Newrozê. Ciwanan jî bi dirûşma “Bê Serok jiyan nabe” peyama ewil a Newrozê dan.
Pîrozbahiya Newrozê ya li navçeya Silopiya ya Şirnexê bi dirûşma “Dem dema serkeftinê ye” dest pê kir. Gel di saetên serê sibê de berê xwe dan qada Newrozê. Jinên ku cil û bergên xwe yên herêmî û flamayên kesk, sor û zer li xwe kirin, bi laçikên xwe yên spî ewilî hatin qadê. Jinên ku bi kiras û fîstan û xeftanên xwe yên rengîn diherikin qadê, dîmenên rengîn derxistin holê. Gelek jin jî bi zarokên xwe yên cilên herêmî li wan kirin hatin qadê. Zilam jî bi şel û şepikên xwe tev li Newrozê bûn.
Berî ku pîrozbahiyên Newrozê dest pê bikin qad bi devî re tejî bû. Jinan bi coşa Newrozê berî ku pîrozbahî dest pê bikin, di ketinên qadê de bi stranan govend gerandin. Ciwan û zarok jî tev li govenda jinan bûn.
Girseya ku demekî dirêj di ketina qadê de hat sekinandin, bertek nîşanî polîsan dan û li noqteyên polîsan kom bûn. Berxwedana girseyê ku hewl da bi tililiyan bikevin hundir encam girt û gel bi lez girtin qadê.
Ji bo agirê Newrozê were vêxistin li qadê amadekarî didomin. Ciwanan jî bi berxwedana “Bijî Berxwedana Zindanan” govend gerandin. Ciwanan sirûda Çerxa Şoreşa xwendin û bi dirûşmeya “Bê serok jiyan nabe” peyama ewil a Newrozê dan. Herikîna gel a qada Newrozê didome.
ENQERE
Di saetên serê sibehê de li Enqereyê gel kom bû û bi govendê dest bi pîrozbahiya Newrozê hat kirin.
Welatiyên li Enqereyê li Anitparkê bi dirûşma “Dem dema sekeftinê ye” kom bûn û bi gerandina govendê dest bi pîrozbahiya Newrozê kirin. Jin bi kincên we yên kurdî herikîn qadê û lîrandin. Dowizên wêneyên Deniz Poyraz a li Îzmîrê hat qetilkirin, Garibe Gezer a li girtîgehê hat qetilkirin û Kemal Kurkut ê li Newroza Amedê hat qetilkirin ji aliyê polîsan ve hatin astengkirin û polîsan ew negirtin qadê. Komîteya Tertîpê jî bi gotina “Kemal Kurkut, Deniz Poyraz Garibe Gezer nemir in” bersiv dan polîsan.
Parlamentera HDP’ê ya Enqereyê Filiz Kerestecioglu û Endamê Lijneya Birêvebir a HDP’ê Dogan Erbaş beşdar bûn. Bi beşdariya Dayikên Aştiyê û gelek ciwanan qada Newrozê di saetên zû de tije bû.
Pankarta “Newroz pîroz be” li ser dika Newrozê hat daliqandin û dirûşmên “Bijî Newroz, Newroz pîroz be” û “Bijî berxwedana zindanan” hatin berzkirin.
Newroz bi coş û gerandina govendê didome.
ÇEWLÎK
Li Çewlîkê bi hezaran kes tevî pîleya -10 jî ji bo geşkirina agirê Newrozê hatin gel hevdu.
Li Çewlîkê bi hezaran kes serê sibehê li Kolana Nexweşxaneyê bi cil û bergên xwe yên kurdî kom bûn. Çefiyên kesk û sor û zer dan hustê xwe û dirûşmên “Jin, jiyan, azadî” û “Bê serok jiyan nabe” hatin berzkirin. Bi def û zirneyê govend hat gerandin. Hatina gel a qadê hîn didome.
Her wiha ji ber barîna berfê gelek kes mecbûr man ji ser rê vegerin.
