SILEMANÎ – Li Başûrê Kurdistanê kampanya ji bo derxistina PKK’ê ji ‘lîsteya terorê’ berdewam dike. Divê çarçoveyê de li navçeya Hacî Ava ya ser bi îdareya Raperînê Komeleya Ciwanên Welatparêzên Kurdistanê û Rêxistina Jinên Ciwanên Têkoşer li ber Baxê Giştî îmzeyan kom dikin. Welatî bi germî pêşwazî li kampanyayê dikin.
Ji bo Partiya Karkerên Kurdistan (PKK) bi taybetî ji lîsteyên ‘rêxistinên terorê’ yên DYE û Konseya Ewropayê bê derxistin, bi pêşengiya Însiyatîfa Edalet ji bo Kurdan a Navneteweyî di 13’yê Kanûnê de kampanyaya îmzeyan ku 4 milyon îmze hedef dike hate destpêkirin.
Kampanya bi pêşengiya 1000 rewşenbîr, akademîsyen, siyasetmedar, zanyar, hunermend, aktîvîstên sosyalîst hatibû destpêkirin û berdewam dike. Heman kampanye roja 29’ê Çile bi tevlibûna gelek rewşenbîr, kesayet, pêşmergeyên dêrin û siyasetmedaran li seranserî Başûrê Kurdistanê jî hat destpêkirin û didome.
