Daxuyaniya Navenda Ragihandin û Çapemeniyê ya HPG’ê wiha ye:
XEBATKAR TOLHILDAN
“4’ê Îlona 2017’an li Herêmên Parastinê yên Medyayê di encama bombardûmanê de hevrêyê me Xebatkar Tolhildan şehîd bû.
Hevrêyê me Xebatkar ku li navçeya Malazgîrt a Mûşê li nava malbateke welatparêz û dilsozê çanda xwe ji dayik bû, li nava civakeke ji çand û kevneşopiya Kurd mezin bû. Hevrêyê me Xebatkar ku berxwedêrî û lehengiya Serhedê di kesayetiya xwe de şênber kir, piştî ku îdeolojî û felsefeya Rêber Apo nas kir, rastiya dewleta Tirk a mêtinger qirker têgihîşt û tevlî nava têkoşînê bû. Li dijî êrişên derveyî mirovahiyê yên dewleta Tirk a mêtinger li hemberî xwerêveberiyê yên gelê Kurd, ku li gel hewldanên aştiyane yên Rêber Apo jî di çarçoveya plana têkbirinê de xist meriyetê, hevrêyê me Xebatkar jî tevlî berxwedana li Nisêbînê bû û bersiva herî bi wate da. Di berxwedana xwerêveberiyê ya Nisêbînê de di bin fermandariya fermandarê me yê fedayî yê efsanewî Xebatkar Baran, destaneke lehengiyê ya dîrokî hate nivîsandin û bi ruhê fedayî yê Apoyî lehengên berxwedana xwerêveberiyê li dijî artêşa Tirk a mêtinger şer kirin, artêşa Tirk xistin nava sendromê û bi vî rengî derseke dîrokî dan. Hevrêyê me Xebatkar ku ev lehengiya dîrokî bi xwe dît û pratîka xwe ya destpêkê ya têkoşînê bi cihgirtina li nava vê berxwedana dîrokî bi cih anî, piştî berxwedana xwqerêveberiyê navê fermandarê fedayî hevrê Xebatkar li xwe kir. Mîna hevrê Xebatkar xwest ku pratîka gerîla bi mîsyona fedayîtiyê bi rêxistin bike, bi vê îdîa û biryardariyê tevlî kar bû. Hevrêyê me Xebatkar daxwaza xwe ya ji bo têkoşînê û hêrsa xwe ya li dijî dijminê qirker di nava gerîla de veguherand îradeya Apoyî. Bi sekn, ked û hevrêtiya xwe bi rengekî fedayî tevlî jiyanê û pratîka gerîla bû. Hevrêyê me Xebatkar bi kesayetiya xwe ya fedayî ya Apoyî, bi daxwaz û pratîka xwe ya berxwedanê wê her tim di nava têkoşîna me ya azadiyê de be.
ARJÎN MIZGÎN SERHAT
4’ê Cotmeha 2017’an li Herêmên Parastinê yên Medyayê di bombardûmanê de hevrêya me Arjîn Mizgîn Serhat şehîd bû.
Hevrêya me Arjîn ku li navçeya Bazîdê ya Agiriyê li nava malbateke welatparêz ji dayik bû, bi ruhê serhildêr ê Agiriyê mezin bû ku ti carî serî li ber zaliman netewandiye. Hevrêya me Arjîn ku kesayetiya wê bi kevneşopiya berxwedanê ava bûye, li dijî êrişên xwînxwarî yên dewleta Tirk a qirker mêtinger ên li ser gelê Kurd û nirxên wan, dest bi têkoşînê kir. Li metropolên dewleta mêtinger dema dixwend felsefeya Apoyî baştir fêhm kir, xwend, têgihiştî bû û bi vî rengî tevlî karên ciwanan bû. Lê belê ev asta têkoşînê ji bo xwe têrker nedît, ji bo têkoşîna xwe ya azadiyê bi berxwedaneke mezintir û bi heybet bi serketinê tacîdar bike, sala 2014’an ji Edîrneyê tevlî nava refên gerîla bû. Li çiyayên azad ên Kurdistanê ku bi eşq û dilxwaziyeke mezin xwe gihand, weke ku jinûve ji dayik bû, li dijî xisarên modernîteya kapîtalîst a ku li mejiyê mirovan kiriye dest bi têkoşîneke xurt a îdeolojîk kir. Her tim xwe û hevrêyên li dora xwe pewerde kir, di îdeolojî û jiyana Apoyî de xwe kûr kir û ji bo karibe jin a Kurd a azad di kesayetiya xwe de bi rengekî şareza temsîl bike, kete nava hewldaneke mezin. Di xet û pîvanên jiyanê yên tevgera azadiyê ya jinê de şareza bû, bi kesayetiya xwe ya dilznim û hevrêtiya xwe her tim rû li ken bû û cihê xwe di dilê hevrêyên xwe hemûyan de girt. Hevrê Arjîn bi îdîaya serketinê û biryardariyê nêzî her wezîfeyê bû. Di serî de li Zagrosan li herêmên cuda yên gerîla bi erk û wezîfe rabû û wezîfeyên xwe hmû bi rengekî serketî bi cih anî. Hevrêya me Arjîn ku mîna hevrê Sara (Sakîne Cansiz) bi kesayetiya xwe ya serhildêr dihate naskirin, bi îradeya xwe ya ji pola li dijî dewleta Tirk a faşîst mêtinger li ber xwe da û bi mîsyona fedayîtiyê xwest rêxistiniyê mezintir bike. Weke milîtaneke xurt a tevgera jinê ya azad û gerîlayeke Apoyî ya fedayî, bi berxwedan, sekn û hevrêtiya xwe ya heta kêliya şehadetê nîşan da, wê her tim ji bo têkoşîna me bibe çavkaniya sûdwergirtinê û rêya me ya serketinê ronî bike.
Li ser vê bingehê di serî de malbatên hêja yên hevrêyên me yên şehîd ên fedayî, em sersaxiyê ji xelkê herêma Serhedê yê berxwedêr, ji tevahiya gelê Kurdistanê yê welatparêz re dixwazin û sozê didin ku em ê bîranîna şehîdan bi serketinê tacîdar bikin.
Nasnav: Arjîn Mizgîn Serhat
Nav paşnav: Sara Bîrdal
Cihê jidayikbûnê: Agirî
Dayik-Bav: Melahat-Ahmet
Dem û cihê şehadetê: 4’ê Cotmeha 2017 / Herêmên Parastinê yên Medyayê
Nasnav: Xebatkar Tolhildan
Nav paşnav: Îsmaîl Ozturk
Cihê jidayikbûnê: Mûş
Dayik-Bav: Halîs
Dem û cihê şehadetê: 4’ê Îlona 2017 / Herêmên Parastinê yên Medyayê
