NAVENDA NÛÇEYAN – Bi wesîleya 8’ê Adarê Roja Jinên Kedkar ên Cîhanê, gerîlayên Hêzên Parastina Jinê (HPJ) li çiyayên Kurdistanê merasîmek li dar xistin.
Endama kordînasyona KJAR Ciwana Sine, Hevseroka KODAR Gulan Fehîm, Fermandara HPJ Faraşîn Mihabat, Endama Kordînasyona YJCR Viyan Karox û Fermandara HPJ Rojda Zagros li merasîmê hazir bûn.
Fermandara HPJ’ê Faraşîn Mahabat li merasîmê axivî û got ,”Em roja jinên kedkar ê cîhanê 8’ê Adarê ya ku veguheriye cejna berxwedan û azadiyê di serî de li hevrêyê jinê li Rêber Apo ku birdoziya rizgariya jinê diyarî jinan kiriye, li rêhevalên jin yên ji bo azadî, wekhevî û jiyaneke dadî berdêl dane û şehîd bûne, tevahî jinên ku jiyanê bi kedê xweşik dikin û ji bo vê li her derê, bêrawestan, bê bêhnvedan tedikoşin pîroz dikin. Em tevahî şehîdên xwe yên jin, yên ku ji bo jiyanekê di derdora jin de were avakirin, ji bo mirovahî di cîhanekê azad de bijî tekoşîn dane û bûne pêşengê şoreşa mirovahiyê bi rêzdarî bibîrtînin.”
Fermandara HPJ Faraşîn bi berdewamî diyar kir pergala zilamserwer tê xwestin ku li ser koledariya jinê were domandin lê li dijî vê, raperîn û berxwedana jinan mîna pêlan disekine, têkoşîna jinan li cîhanê hatiye rewşeke ku nikare were astengkirin.
Faraşîn bal kişande ser girîngiya rêxistinîbûna jinan û got, “Her dema hişmendî û rêxistinbûna jinan geş dibe, hebûna xwe hîn kûrtir fêm dikin. Jin erk û mîsyonên xwe yên di nav jiyanê de jî hîn baştir fêm kirine. Ji ber vê yekê, rê nadin zilamtiya serdest, zordar û derewkar. Jinên cîhanê bi rihekî wiha 8’ê Adara 2021’an pêşwazî dikin.”
Faraşîn got ew bi dirûşmeya ‘Em bi yekgirtina jinan dawî li qirkirina jinê bînin’, 8’ê Adarê, Roja Jinên Kedar a Cîhanê pêşwazî dikin û got, “Serdemeke nû destpê dike. Ev serdem serdema jinan e. Ev serdem, serdema azadiyê, demokrasiyê û serdema jiyana bi sirûştê re ye. Bêguman wê pir zehmet be, berdelên wê pir mezin çêbibe. Lê bi pêşengiya jinan mirovahî teqez wê jiyana wekhev û azad a ku heq dike bi dest bixe.”
Faraşîn her wiha diyar kir Tevgera Azadiya Jinê ya Kurd bûye xwedî artêş, partî û pergal, bi van hêlên xwe pêşengiyê li tevgerên jin ên herêmê dike û got, “Jinên ku li her deverê Kurdistanê xwe rêxistin kirine, li Rojhilata Navîn de bûne hêviyê gelan. Jinên Kurd her tim cihê xwe di nava cihên ku berxwedanî di asta jor de ye girtine, li gor ruhê demê têkoşiyane. Wek çiruskekê bûne bingeha Şoreşa Rojavayê Kurdistanê.”
Faraşîn bi berdewamî bal kişande ser zext û zordariya rejîma Îranê ya li dijî jinan, got di hedefa vê zext û terora rejîmê de jinên Kurd hene û li dijî vê zext û terora rejîmê giringiya rêxistiniya xweparastinî destnîşan kir. Faraşîn got, “Jina ku parastina xwe ya cewherî pêş xistiye, ew jin e ku ji pergala zilamê, serdest tol hilandiye. Ji ber vê, pêwîst e tevahî jinan xwe li ser bingeha parastina cewherî rêxistinî bikin. Xweparastin ji bo jinan pêwîstiya herê jiyanî ye ji ber vê pêwîste tu carî xwe radestê dewlet û zilam nekin. Ji bo qirkirina jinan bi dawî bibe xweparastin bivenevê ye.”
Faraşîn bi berdewamî got, “Jinên ku ji HPJ îlham digrin, xwe li her derê Kurdistanê li ser bingeha parastina rewa rêxistin dikin, ji bo jin û gelan bûnee çavkaniya jiyan û hêviyê. Nûnerê yekemîn artêşbûna Jinê YJA-Star, li Rojhilat HPJ, Rojava YPJ, Bakur YPS JIN, û li Şengalê YJŞ xwe rêxistin kirine, her wiha rêxistina jinên yekbûyî ya ku bi ruhê enternasyonel tevlî şoreşa Kurdistanê bûne, tekoşîyane, tevahî jinan silav dikin.”
Piştî axaftinan pîrozbahî bi meşekê û bi dirûşmeyên “Jin Jiyan Azadî, Bê Serok jiyan nabe” dawî bû.
