BEHDÎNAN – Daxuyaniya Hevseroktiya Konseya Rêveber a KCK’ê wiha ye:
”Dayika heval Elîf û Selver çû ber ber dilovaniya xwe. Em sersaxiyê ji Malbata Yildirim û gelê xwe re dixwazin.”
TÊKOŞÎNA EBRÛ TÎMTÎK TÊKOŞÎNA GELÊN TIRKIYÊ BÛ
Piştî ku dayika me çû ber ber dilovaniya xwe bi rojekê parêzer Ebrû Timtîk ku têkoşîna dadê û darizandina dadmendî dida şehîd bûye. Em sersaxiyê ji malbat, hevrêyên wê û gelên Tirkiyê re dixwazin. Têkoşîna dadê li hemû cîhanê têkoşîna herî rewa û heq e. Li devera ku dad lê nebe ti tişt rast nîne. Dema nedadiyê weke genîbûna xwê ye. Ji vî alî ve têkoşîna Ebrû Timtîk têkoşîna hemû gelên Tirkiyê bû. Ji ber vê têkoşîna wê em bi minet û hurmet bi bîr tînin. Cografyaya Tirkiyê û Kurdistanê bi mîsogerî wê bigihe dad, wekhevî, demokrasî û azadiyê. Parêzerê dî yê di rojiya mirinê de Aytaç Unsal jî li ber sînorên şehîdbûnê ye. Divê hemû gelên me û hêzên demokrasiyê li vî berxwedêrî xwedî derkevin. Şehîdbûna Ebrû Tîmtîk û têkoşîna Ayta Unsal dibe ispata wê ku têkoşîna azadî û demokrasiyê ya li Tirkiyê û Kurdistanê ti caran wê nikaribe were çewisandin. Bêrîkiyên wan Kurdistana Azad û Tirkiyeya Demokratîk bi mîsogerî wê pêk were.
EM HELWESTA YADÊ FATMA BI HURMET Û MIET BI BÎR TÎNIN
Yadê Fatma dayikeke Kurd a wiha bû ku ev ji 40 salî zêdetir e PKK nas dikir, li gel zarok, birazî û hemû xizmên xwe xizmet ji têkoşîna azadiyê re kiriye. Li qada Pazarcikê yek ji wan gundên ku pêşî têkoşîna me nas kirî gundê Yadê Fatma Yildirim bû. Lê cografyaya Kurdan a bi hezaran salan piştî Komkujiya Meraşê bi şerê psîkolojîk û taybet hatiye valakirin. Ji gelê Kurd re ”rêwîtîya ber bi hêvîtiyê ve” hatiye gotin ber bi qirkirinê ve ew hatine rêkirin. Ji bo Kurdên li Rojaayê Firatê ji xaka xwe qut bibin ji hêla hêzên şerê taybet ve rêxistiniya qeçaxçiyên mirovan hatiye kirin. Kurdên Elewî bi armanca qirkirinê û zilmê ber bi metropolên Tirkiyê û hemû aliyên cîhanê ve belawela bûne.
Di serî de Pazarcik, weke ku tê gotin Kurdên li Rojavayê Firatê ne ji ber sedemên aborî xaka xwe berdane. Bi esasî bi zextên siyasî û b irêbaza şerê taybet kirine ku xaka xwe berdin. Gundên Tirkan ên li Rojavayê Firatê li gel ku di rewşeke xirabtir jî bû valanebûna wan ispata vê ya herî berbiçav e. Ji ber vê Yadê Fatma Yildirim û bi sed hezaran Kurd bi gavên şerê taybet ji welatê xwe hatine qutkirin.
Bi Tevgera Azadiyê re ku hê salên 1970’yî nas kirine çûne kûderê jî têkiliya xwe domandine. Tevgera Azadiyê nehiştiye ku ev civaka belawela bibe û ji bo ku bibe civake rêxistinî kedeke girîng daye. Gelê me jî yê ku ji Rojavayê Firatê koç kirî li devera ku lê ne bi qasî ku ji destê wan hatiye destek dane têkoşîna azadiyê. Bi hezaran ciwan li nav refên têkoşîna azadiyê şehîd bûne.
Yadê Fatma Yildirim bi xwe, zarok, birazî û birazên xwe û xizmên xwe tim li cem têkoşîna azadiyê sekinîne. Berdêlên giran dane ber çavan û bi israr li nav vê têkoşînê mane. Em careke dî vê helwesta dayika xwe bi hurmet û minet bi bîr tînin; em careke dî sond dixwin ku têkoşîna azadkirinê ya xakên ku bi nasname, ziman û çanda xwe lê bûne gel bikin û bêrîkirinên wan bi cih bînin.”
