NAVENDA NÛÇEYAN– Meşa Dirêj a ku bi daxwaza azadiya fizîkî yê Rêber APO tê lidarxistin, di 8ê Sibatê de ji bajarê Almanya Frankfurtê wê dest pê bike. Lijneya Amadeyîkirinê ku amadehiyên xwe yên dawî dikin, ji bo çalakiya Meşa Dirêj a ku ji her deverê Ewropayê ciwanên Kurd wê tevlî bibin, vîdeoya bangê jî weşandin.
Lijneya Amadeyîkirinê da zanîn ku, ew hatine dawiya amadehiyên xwe û bang li ciwanên Kurd û enternasyonal ên ku li Ewropayê ne dikin da ku tevlî meşê bibin û îşev li gor seata Ewropayê di seat 19.00’an de ji ser platformên tora civakiyê bi awayê “#MesaDirej2020” parvekirinan bikin û di vî warî de, di derbarê Meşa Dirêj û tevlîbûnê de hestiyarî pêk bînin.
Temamê daxuyaniya Lijneya Amadeyîkirinê ya Meşa Dirêj bi wî awayî ye;
Tecrîdê NEHÊLE, Bi Rêber APO re Bibe Azad
Rêbertî, qomploya navneteweyî ku di salvegera 22. de ye, wek “Komkujiya Kurdan” pênase kiriye. Amerîka û hêzên serdest, dema ku him Qomploya 9ê Cotmehê him jî Qomploya 15ê Sibatê li ser Rêberê me pêk dianî, di esasî xwe de komkujî û tunehesibandina Kurdan hedef digirt. Rêberê me, ev 21 sal in li Îmraliyê bi berxwedana xwe ya bêhempa ve qomployê vala derxistiye. Lêbelê, ji ber ku Amerîka û hevalên gel wê nikarin diyax bikin, bi kûrkirina tecrîda Îmraliyê re û him jî bi êrîşê Seroktiyê û bi tasfiyekirina Têkoşîna Azadiya Kurdistanê re dixwestin têkoşîna berxwedana gelê Kurd bifetisînin. Li Kurdistanê û li cihên ku têkoşîna gelê Kurd heye, êrîş pêk anîn. Qomploya navdewletî, her sal bi rengekî cuda tê domandin û her wiha dixwestin Serokatiyê ji me dûr bixin û tecrîdê jî li Kurdan bidin hînkirin.
Her ku Erdogan, Amerîka û çeteyên wan êrîşên her cureyî ceribandibin jî nekarîn bibin asteng ku paradîgmaya Serokatî li gelê Kurd û gelê cîhanê berbelav bibe. Berxwedana ku ji Kobanê dest pê kir û herî dawî jî li Serêkaniyê hate mezinkirin, paradîgmaya Serokatî û têkoşîna berxwedana gelê Kurd li cîhanê berbelav kir. Lêbelê divê ew were zanîn ku, dijmin bi hemû teknîkên şerê teybet re ji bo ku vê berxwedanê bişkîne berî xwe dide Serokatiyê û pergala tecrîda Îmrali a girankirî hê kûrtir dike. Ji hemû cîhanê re me nîşan daye ku Qomploya Navneteweyî ya 15ê Sibatê di şexsî gelekî de li hemberî rêberekî gel pêk hatiye û gel,ciwan, jin ên Kurd ev 21 sal in vê qomployê napêjirînin. Dîsa di sala 22. a qomployê de, di dema şerê cîhanê ya sêyemîn pêk tê de, Gelê Kurd ku di navenda vî şerî de ne êdî tecrîda li ser Rêber APO wê nepêjirîne û bi dawî bike. Di dawiya vî şerî de ku heman wextê ev şer dawiya Erdoganê jî wê bîne, Kurd bi Rêbertiyê xwe ve wê azad bibin û li Kurdistanê rê nedin faşîzmê.
Em, ciwanên Kurd û ciwanên enternasyonel ên ku azadiyê digerin, gazî çalakiya Meşa Dirêj a ku di 8ê Sibatê de li Frankfurta Almanyayê e wê dest pê bike, dikin.
Bi Rêber APO re hatine cemhev, şikandina tecrîdê bi pêşengiya ciwanên Kurd re wê pêk bê. Divê ciwanên Kurd rista xwe ya dîrokî bileyize û ji bo ku 2020 bibe sala azadiya Kurdistanê û bibe sala bi Serokatiyê re hatina cemhev, divê di nava berxwedanê de bibe. Di vê bingehê de, em, bang li hemû ciwanên welatparêz, enternasyonalîst, demokratîk, sosyalîst bi dirûşmeya “TECRÎDÊ NEHELÊ, BI RÊBER APO RE BIBE AZAD” re şikandin û perçekirina pergala Îmraliyê dikin.
Lijneya Amadeyîkirinê ya Meşa Dirêj
