Komalên Jinên Ciwan got li Efrînê gel wê serfiraz bibin û domad, ‘’Li her qada ku em lê dijîn çi tiştekî têkildarî mêtingeran hebe divê werin hilweşandin, şewitandin, divê em qada jiyanê ji wan re nehêlin’’.
NAVENDA NÛÇEYAN – NÛÇE CIWAN
Koordînasyona Komalên Jinên Ciwan li dijî êrîşê dagirker ên dewleta Tirk ên bi ser Efrînê de bi navê ‘’Bi giyanê Serîl Hilde faşîzmê parçe bike’ daxuyaniyeke nivîskî da.
Koordînasyonê got êrîşa dagirker a AKP’ê ne tenê Efrîn, tinekirina hebûna Kurdan, şikandina vînê daye ber xwe û got:
‘EM Ê CAREKE DÎ BI BERXWEDANÊ JI DINYAYÊ RE BIBIN MÎNAK’
‘Çi kesek nikare vîna Kurdan biceribîne. Di dîrokê de Kurdan her car bi berxwedan û serhildanên xwe yên gewre nîşan daye ku ti caran serê xwe natewîne. Dema ku em li dîroka xwe ya nêz dinerin Kobanê, Sûr, Cizîr, Gever, Şirnex bîra me ya zindî ye. Zarên vî gelî û dostên wan li dijî polîtîkayê têkşikînê yên TC’ê ya faşîst berxwedaniyeke bêhempa a ku di dîrokê de mînaka wê nehatiye dîtin nîşan dane û dîroka xwe nivîsandine, ev bi dilsoziya bi xaka xwe û bi vîna xwe pêk anîne. Lehengên berxwedaniya dîrokî ya Sûrê, dirêjtirîn dorpêça bajêr a Komuna Parîsê jî zêdetir derbas kirin gotin, ‘dawî wê bêhempa be’. Efrîn jî ji bo me yek ji mînaka berbiçav e ku wê bêhempa be.’’
Komalên Jinên Ciwan berxwedan û têkoşîna jina Kurd a dastanî bi bîr xist û got têkoşîna jina Kurd li dinyayê bûye mînak û li dijî gotina ‘Kobanê ti nemaye ku bikeve’ mezintirîn bersiv jinên Kurd dane û heman berxwedanî ya bêhempa, dastanî li Efrînê jî were jiyîn, Kurd û dostên wan li hemû qadan wê li Efrînê xwedî derkevin û berxwedaniya xwe geş bikin û jinên ciwan wê pêşengiya vê berxwedanê bikin.
‘ÇI TIŞTÊ TEKILÎ MÊTINGERAN HEBIN HILWEŞÎNÎN, BIŞEWITÎNIN’
Koordînasyona Komalên Jinên Ciwan bi domdarî got, ‘’Roj roja hesabpirsînê ye. Roj roja wê ye ku hesabê wî gelî were pirsîn ku bi salane tê qetilkirin û tine tê hesibandin. Ji bo vê jî bi pêşengiya jinên ciwan her kesê ku dixwaze li dijî zilmê serî rake li her qadê divê hemû mêtingeran bikin hedef. Roj ne roja wê ye ku tenê ji dewleta AKP-MHP’ê ya faşîst hesab were xwestin, çi kesê ku di vê êrîşê de rola wan heye divê hesab ji wan jî were pirsîn. Heke faşîst dixwazin gelê me qetil bikin, em jî li her qada ku em lê dijîn divê çi tiştê têkildarî mêtingeran hebe bişewitînin, hiweşînin û qada jiyanê li wan teng bikin.
Heke hişmendiya faşîst îro cihên me yên dîrokî kavil dike û gelê me qetil dike, ji bo me meşrû ye ku hemû sazî û mekanên wan hilweşînin û bişewitînin. Her kes li her qada ku lê ye divê rabe serhildanê, li dijî van êrişan bi giyanê pêngava Serî Hilde li ber xwe bide. Ji vê saetê û şûn de ji bo Kurdan tiştekî ku winda bikin nemaye. Ji bo me Efrîn Kurdistan e, êrîşa li ser Efrînê êrîşa li dijî hebûna Kurdan e. Ji bo vê jî divê şerê Efrînê weke şerê manûnemanê were dîtin û careke dî divê vîna Kurdan ê ku tekçûnê nizane şanî hemû dinyayê were kirin.’’
