Emê li Efrînê biserkevin. Weke ku em li Kobanê û Reqqa biserketin, emê li Efrînê jî biserkevin”.
Nûçe Ciwan- Rimêlan- Gefên dewleta Tirk a faşist li ser Efrînê her ku diçe zêde dibin. Li hember vê yekê helwesta ciwanan jî her diçe xurtir dibe.
Ajansa Nûçe Ciwan bi hejmarek ciwanên ereb ên Partiya Yekîtiya Demokratîk re hevdîtin pêk anî û helwesta wan a ji bo gefên li ser Efrînê pirs kir.
Jina ciwan a bi navê Sefa’a El- Ehmed ku ji Holê ye, diyar kir ku ev komplo ne tenê li ser kurd’an e, lê bele li ser ereb, suryan û tevahî gelan e jî; Em Neteweke demokratîk in, em li dijî van êrîşên li ser Efrînê ne. Teqez emê mil bi mil li cem kurdan bisekinin û emê Efrîn û tevahî Bakurê Sûriyê biparêzin.
El-Ehmed wiha berdewam kir: “Emê fikir û ramanê Rêber Apo yê ku dixwazin sînordar bikin, belav bikin. Emê weke ciwan tekoşîn bikin; Cudabûn tune, ereb, kurd. Emê hemû Efrînê biparêzin. Emê li Efrînê biserkevin. Weke ku em li Kobanê û Reqqa biserketin, emê li Efrînê jî biserkevin“.
Sefa’a El-Ehmed diyar kir ku ewê di bin banê Netewa Demokratîk de bijîn û ew ji fikirê desthilatdariyê rizgar bûne û destnîşan kir ku ewê li hember hemû hêzên dîktator û komploger têbikoşin û Bakurê Sûriyê û mejiyê ciwanan azad bikin.
El-Ehmed di dawiya axaftina xwe de diyar kir ku ewê xewna Rêberê Gelan Abdullah Ocelan di jiyaneke azad di bin banê Netewa Demokratîk de pêk bînin û ewê Efrîn heya dawî biparêzin.
Ciwanê bi navê Îyd Mûsa yê ji Hesekê jî diyar kir ku ew amade ne xwîna bidin li ber Efrînê û sedema va gefan wiha nirxand: “Efrîn weke gulekê ye, Erdogan û hikûmeta wî ya faşîst dixwazin vê gulê biqetînin. Em heya dawî bi Efrînê re ne“.
Hisên El-Hisên yê ji bajarê Erîşe destnîşankir ku ev êrîş li hember pêkhateyên Netewa Demokratîk tê kirin û got ku ewê tekoşîn bikin li hember van êrîşan û bi ramanên Rêber Ocelan li ber xwe bidin.
Ciwanê bi navê Mihemed El-Hisên yê ji Tirbespiyê êrîşên li ser Efrînê şermezarkirin û got ku ev ne dûrî rastiya dewleta Tirk e, her dem êrîş dike li ser Rojava û Bakurê Sûriyê. El-Hisên sedema êrîşan wisa nirxand: “Dixwazin aramiya herêmên bi ewlehî û biratiya gelan têk bibin.
Bi van êrîşan dixwazin derbê li demokrasiyê bixin. Hikûmeta AKP’ê dixwaze vê projeya demokratîk têk bibe; Ji bo ku li ser sînorê wê sîstemeke demokratîk tune be, ku bandora xwe li Tirkiyê bike“.
El-Hisên di dawiya axaftina xwe de got ku ewê weke ciwanên PYD’ê li hember tevahî êrîşan bisekinin û li ber xwe bidin.
https://youtu.be/1Mrt7GkMAu8
