HAMBURG – Li Hamburga Almanya, di bin pêşengiya Ciwanên Endamê Tevgera Ciwanên Şoreşger (TCŞ) de, ku di çarçoveya înîsiyatîfa “Ji bo Rêber APO re Azadî, Ji Pirsgirêka Kurd re Çareseriya Demokratîk” Demokratîk ji bo Pirsgirêka Kurd” de li hev civiyan, meşek hate lidarxistin.
Daxuyaniya çapemeniyê bi deqeyek bêdengiyê ji bo Şehîdên Şoreşa Kurdistanê dest pê kir.
Li ser navê TCŞ, Heval Xeyrî axivî û got; “Wekî ku em hemî dizanin, Rêber APO vê dawiyê daxuyaniyek dîrokî da. Bi vê daxuyaniya dîrokî, wî pêvajoya nû wekî pêvajoyek aştî û demokrasiyê bi nav kir. Careke din, tevahiya cîhanê dît ku Rêber APO di demokratîkbûna tevahiya cîhanê, bi taybetî Rojhilata Navîn de rolek girîng dilîze.”
Endamê TCŞ Xeyrî gotinên xwe wiha domand; “Ji aliyekî din ve, tê dîtin ku dewleta Tirk hîn jî di bersiva vê daxuyaniya dîrokî ya Rêber APO de gavên berbiçav neavêtiye. Em dizanin ku ev pêvajoya nû heya ku dewleta Tirk gavên wêrek neavêje, bi dawî nabe. Wekî Ciwanên endamên TCŞ-ê, em dixwazin bi zelalî diyar bikin ku em gor bi şêwaz, mîsyon û perspektîfa ku Rêber APO daye me, hem di aştiyê de hem jî di şer de bimeşin. Ji ber vê yekê, em ê vê rola rêbertiyê ya ku li ser milên me hatiye danîn bidomînin heya ku Rêber APO di serdema nû de azadiya xwe ya fîzîkî bi dest bixe,”
Piştî ku daxuyanî hatin dayîn, meş dest pê kir. Di tevahiya meşê de kolanên Hamburgê bi dirûşmeyên “Bijî Serok APO” “Bê Serok Jîyan Nabe” tijî bûn.
