REQA- Jinên ciwan li Bakur û Rojhilatê Sûriyeyê dikarin xewnên xwe pêk bînin. Gelek derfet hene ku dikarin cevhera xwe derxinin pêş. Yek ji van qada werzîşê ye. Li gelek deveran, qadên werzîşê wekî qadên jinan nayên hesibandin. Li gelek deveran, heta qedexe ye ku jin li deverên vekirî werzîşê bikin. Komîteya Werzîşê ya Ciwanan li Reqayê bi taybetî ji bo Jinên Ciwan derfetek afirand. Gelek tîmên werzîşê wekî futbol, basketbol, voleybol, ji bo jinên ciwan klubek werzîşê ya bi navê Şehîd Nûjiyan Ocalan vekirin. Li vir, jinên ciwan dikarin werzîşa xwe bikin. Par, ev klub bi şahiyekê hate vekirin. Îro, Jinên Ciwan her roj tên vir da ku werzîşa xwe bikin.
Di derbarê xebatên werzişî de jinên ciwan navê wê Xivran e û nêrînên xwe wiha anî ser ziman:
”Navê min Xivran Mehmûd Hecî, ez ji bajarê Kobanê me. Li bajarê Reqa jiyan dikim, ez
lîstokên bihêzkirina laş dileyzim. Despêka ez derbasî lîstogehê bûm, min gelek cureyên lîstokan dît
min karatet, tekwando, fûtbol, voleybol û hwd. Piştre min lîstoka bihêzkirina fîzîkî ceriband û ev jî xeyala min bû. Lîstoka herî zêde min jê hezkir, ev bû û komîsyon jî her dem bi me re bû. Rastî jî gelek baş bûn, beriya vê tiştê ku ez dixwazim min nedîtbû. Min lîstoka xurtkirina fîzîk lîst û despêkê ez derbasî lîstogehê bûm, min dît ku pisporên vê lîstokê dilleyzin. Min xwest ku destpêkê bi wan re perwerde bibînim. Pêvajoya destpêkê min bi wan re perwerde dît. Piştre min berdewam kir û min xwe gihand hejmara giraniyê ku ez dixwazim rakim. Sala 2023 ez beşdarî pêşbirka pisporiyê ku li Şamê hatibû li darxistin bûm. Beşdar bûm û min pileya duyemîn bi destxist. Ji ber ku mamosteyê min ne bi min re, ez bi tenê bûm û kêmekî tevlihev bibûm. Ji ber ku yekêmîn car ez beşdarî pêşbirkek wisa dibim jibo min tecrûbeyek bû. Îsal ezê disa beşdar bibim ew jî li Şamê ye li ser asta Sûriyeyê were lidarxistin. Ez bi hêvî me ku vê carê mamosteyê me bi me re biçe û em rêza yekemîn qezenc bikin. Xeyala min ewe ku bibim lîstokvanê herî pispor li ser asta Asya û cîhanê. ”
