ŞENGAL- Tawisa Şîxadî piştî 11 sal careke din li Şengalê digere û ji aliyê hezaran kesan tê pêşwazîkirin. Tawisa Şîxadî li bajarê û gundên Şengalê digere û gel xêr û xêrata xwe belav bike. Ji fermana 2014 heya niha Tawisa Şîxadî ne geriyabû. Ji ber vê yekê gel bi keyfxweşiyekê mezin wê pêşwazî bikin.
Li yekşemê Tawisa Şîxadî li bajarê Şengalê bû, li taxa Hey Nesir. Saet 10.30 Tawisa Şîxadî li koçika Dexîl Ibrahîm Nofa, eşîreta Qîranî, mala girêt, bû. Rosa Şengalî, jinekê ciwan ê Şengal, ji ajansê me re axivî û got : “Em gelek keyfxweşin pişti 11 sal Tawisa Şîxadî hate Şengal. Me divê tiştên me yên berî vegerin, rê û resmên me, edet û teqalidên me vegerin. Careke din em gelek keyfxweş in”.
Di ol û baweriya Êzdatiyê de pewîste her kes her sal li cihê pîrozê Êzidiya Laleş bê mohr kirin. Di wextê berî de gelek malbatên Êzidî ku gundên wan ji Laleşê dûr bûn ji ber sebebên aborî nikaribûn biçin rê û resma xwe bibînin. Ji ber vê yekê jî biriyar hate girtin ku 7 Tawis di gelek cihên Êzidî tê de jiyan dikin bên gerandin. Her Tawisekê bi qewalek xwe ve giredayê heremekê Êzîdxanê ye. Di wextê berî de 366 qonaxên Tawis digeriyan. Di roja me ya îro de ji ber ku gelek ferman û talan hatine ser gelê Êzidî, encamê de gelek tiştên pîroz di nav Êzidiyan de hatine winda kirin. Niha jî tenê 3 Tawis mane, ku vedigerin beriya hezarên salan : Tawisa Sencaq (ku ji ezman hatiye), Tawisa Şîxadî û Tawisa Êzî.
Ev rê û resmên Êzidî vedigere berî hezarên salan. Di vê mêrasimê de Qewal ji Laleş tê û Tawis di bajar û gundê de tê gerandin. Li gor baweriya Êzidiya cihê ku Tawis diçe tê wê xêrê û xweşî bi xwe re bibe wê cihê. Di vê merasîmê de gel bi cil û bergên Êzidiya û pêxas pêşwaziya Tawisa dike û zahretî dibe (beratên pîroz maç dike). Piştre Tawis derbasî koçikê dike û gel carekê din li Tawisî zahretî dibe. Di koçikê de Qewal dev û şebab lêdidin, beyte dibêjin û doha dikin. Her kes xwarinê xwe tîne û dike xêr. Wê demê de wek baweriya di nav Êzidiya de Parê Qewalan tiştekî pîroz e. Ji bo zarokên ku dereng dipeyvin an zimanê wan giran e vê parî ji aliyê malbata didin van zarokan ji bo ku zimanê wan vebe. Piştî nîvrojê dev û şebab carekê din tenê lêdan û ji aliyê gel ve govend tê gerandin. Bi vê awayê qonakê diguherê malekê din.
