NAVENDA NUÇEYAN- Jinên ku li Zanîngeha Osmangaziyê meşiyan, derbarê êrîşa cinsî ya li kampusê de daxuyaniyek dan. Ew gotin ku wan qebûl nekiriye ku bi Mehmet Îlyas Demir re ku ku destdirêjiya cinsî li jineke ciwan kiriye, li heman deverê bin.
Jinên ku li ser banga Jinên Kedkar (EKA) hatin cem hev, ji bo şermezarkirina êrîşa cinsî ya li ser jinekê ji aliyê Mehmet Îlyas Demîr ku xwendekarekî heman zanîngehê de ye, ji Zanîngeha Osmangazî ya Eskîşehîrê (ESOGÜ) heta Fakulteya Perwerdehiyê meşiyan.
Jinan pankartên bi nivîsa “Em li dijî tacîz, tecawiz û tundiyê serî hildidin” hilgirtin û dirûşmeyên “Jin, Jiyan, Azadî” û “Jin Şoreş, Azadî” qîr kirin, dema ku ber bi turnîkeyên fakulteyê ve dimeşiyan.
‘EM NEXWAZIN BI ÎLYAS DEMÎRÊ TECAWIZKER RE DI HEV KAMPUSÊ DE BIN’
Gîzem Köksal, ku di daxuyaniyê de axivî, got, “Em hîs dikin ku jiyana me ji ber ‘zilamtiyê’ ya ku ji hêla pergala baviksalar ve hatî afirandin, her dem di bin gefê de ye. Em ne dema ku li kolanan dimeşin, ne di wargehên xwendekaran an malan de, ne jî di jiyana civakî de ewle nînin. Her roj em nûçeyên nû yên tundûtûjî, tacîz, tecawiz û kuştina jinan dibîhisin. Çend roj berê, Mehmet Îlyas Demîr, xwendekarekî pola dawî yê Beşa Hînkirina Perwerdehiya Taybet li vê zanîngeha ku em li tê de ne destdirêjiya cinsî li jinek ciwan kir. Em qebûl nakin ku bi Mehmet Îlyas Demîr ê tecawizkar re di heman rêzan de rûnin an jî li heman kampusê nefes bigirin. Ji ber vê yekê em kincê serhildanê xwe dikin û li dijî pergala baviksalar a ku ji me jinan re ji bilî mirinê tiştek din nade, ji bo jiyana xwe şer dikin.”
Köksal tekez kir ku zanîngeh bûne navendên dijminatiya jinan û got, “Çawa ku tacîzkar, tecawizkar û kujerên jinan dikarin li derve bi rehet tevbigerin, ew di zanîngeh û wargehan de jî bi rehetî têne bicihkirin.”
