HESEKE – Li tevahî Bakur û Rojhilatê Sûriyê, rûxmê hewldanên pêşxistina projeyên ekolojiyê û parastina xwezayê, gelek bajaran bi pirsgirêkên qirêjiyê û xirabkirina xwezayê rû bi rû dimînin. Ciwan û şêniyên Heseke, derbarê pirsgirêkên di bajarê xwe de axivîn, û her wiha, daxwaza wan a destpêkirina hemleyên paqijiyê ji aliyê gel ve anîn ser ziman.
Sîlber Mihemed jî daxwaz kir ku hemû gelê bajêr bibe yek, bajarê xwe paqij bike, da ku gel û bi taybetî zarok ji nexweşiyan biparêzin.
Hemze Elawî xwestekê xwe yê ku gelê bajêr û bi taybetî xwediyên erebe di milê paqijiyê de berpirsiyar bin anî ser ziman, da ku bajar her tim paqij be.
Aras Hemî got ku xebatê paqijiyê li Heseke lewaz e û daxwaz kir ku li her kolan selikekî çopê were danîn da ku qirêjî di nava kolanan de nemîne.
Silêman Ebdulqadir jî diyar kir ku divê her kes tendirustiya xwe biparêze û ji bo wê hêviya xwe destnîşan kir, ku gelê Cizîrê bi coşekî mezin derkeve kolanan ji bo paqijiyê, da ku pêşerojekî bê nexweşiyan were mîsoger kirin.
Fatma Welîl diyar kir ku kêmbûna avê li Heseke jî dibe sedemekî ku paqijiyê bajêr kêm bimîne. Her wiha, got ku divê gelê bajêr li bendê nesekine, xwe bi rêxistin bike û bi hev re dest bi hemleyên paqijiyê bike.
