ŞENGAL – Saziya Ziman û Perwerdeya Êzîdxanê li Şengalê, bi boneya 15’ê Gulanê roja Cejna Zimanê Kurdî bi daxuyaniyekê bang li Wezareta Perwerdeyê ya Iraqê kir ku mufredata perwerdeyê, saziya ziman û perwerdeyê ya Êzîdxanê li Iraqê bi fermî were qebûl kirin.
Saziya Ziman û Perwerdeya Êzîdxanê ya girêdayî Rêveberiya Xweser a Şengalê, pîştî fermanê ev 10 salin li Şengalê perwerdehiya zimanê dayikê bi tîpên latînî dide zarokan Şengalê.
Bi boneya 15’ê Gulanê Roja Cejna Zimanê Kurdî, Saziya Ziman û Perwerdeya Êzîdxanê daxuyaniyek da. Daxuyanî li navenda bajarê Şengalê li taxa Şûheda li ber avahyia Medresa Sor hate dayîn.
Daxuyanî ji aliyê Endama Saziya Ziman û Perwerdeya Êzîdxanê Mamosta Xalîde Şengalî va hate xwendin.
‘Bi ziman xwebûna mirovatî tê parastin’
Di daxuyaniyê da bal hate kişandin ser giringiya perwerdeya bi zimanê dayikê û bandora wî li ser kesayetiya mirov û wiha hate ragihandin: “Li Şengalê di roja meya îro de zarokên Êzîdî bi zimanê xwe li dibistanên dewletê de nikarin perwerde bibinin.
Ziman destpêka afirandina civakbûnê û mirovahiyê ye, hebûna mirovahî xwe dinava çend sitûnên sereke de şîn dike. Yek ji wan jî sitûnên sereke zimane, perwerdeya ziman li herderê cihanê ji bo herkesî rewaye. Lê li welatê me di dibistanên dewletê de niha jî zarokên me bi zimanê dayikê perwerde nabînin. Ziman hestên dinava mirovahî de dide avakirin, bi hestên çandê û bi hestên zimanê xwebûna mirovahî tê parastin. Ji ber ku di jiyana gelan de ziman xwediyê giringiyekî dîrokiye, demên ku civakek zimanê xwe ne axive û bi karneyne ji hertiştê xwe bê par dimîne.”
‘Ji bona çand û baweriya me neyê ji birkirin, bi zimanê xwe bixwînîn’
Dewama daxuyaniyê de Roja Cejna Zimanê Kurdî li Rêber Apo, civaka Êzîdî û hemû mirovatiyê hate pîroz kirin bang li civaka Şengalê hate kirin ku zarokên xwe bi çanda xwe perwerde bikin.
Daxuyanî wiha berdewam kir: “Em bang li civaka xwe dikin û dibêjin zarokên xwe bi zimanê xwe perwerde bikin. Da ku çand û baweriya me neyên ji bîrkirin. Em bang li Wezareta Perwerdeya Iraqê dikin ku mufredata perwerdeya rêveberiya Xweser a Şengalê fermî were qebûl kirin. Ji ber ku ev 10 salin em di nava şert û mercên zehmet de zarokên civaka xwe perwerde dikin. Lê heta niha jî Wezareta Perwerdeya Iraqê mûfredata perwerdeya me qebûl nekiriye. Em weke her civakek, xwestek û daxwaza me ewe ku em zarokên xwe bi çand û ola xwe mezin bikin, ev jî mafê me yê herî rewaye.”
