KOBANÊ- Meclisa Malbatên Şehîdan û Tevgera Ciwanên Şoreşger ên kantona Firatê şehîdên Hefteya Lehengiyê li Navenda Çand û Hunerê ya Baqî Xido ya bajarê Kobanê, bi bîr anîn.
Hefteya Lehengiyê ji 21’ê Adarê, dema ku şehîd Mazlûm Dogan di girtîgehê de agir berdaye bedena xwe dest pê dike û heta 28’ê Adarê dema ku şehîd Egîd guleya yekemîn li dijî dijmin teqand û têkoşîna çekdarî li dijî dewleta Tirk a dagirker dest pê kir, didome.
Bîranînê bi rêzgirtinê dest pê kir, pişte rêvebera Partiya Yekitiya Demokratîk Mehabad Dêrik diyar kir ku di sala 1986`an de li çiyayên Gabarê fermandar Egîd di şerê li hember êrişên dewleta Tirk a dagirker de şehîd bûbû û ev tişt anî ziman: “Di şexsê şehîd Egîd de em hemû şehîdên azadiyê bi bîr tînin û bejna xwe li hember giyanê wan ditewînin. Wekî tê zanîn di dîroka gelê Kurd de, şehîd Egîd li hember êrişên dagirkeriyê berxwedan û têkoşîneke bêhempa da meşandin.”
Mehabad Dêrik di dawiya axaftina xwe de wiha got: “Dagirkeriya dewlata Tirk ji bo ku Tevgera Azadiyê tune bike her tim gelê me di nava qirkirin û tunekirinê re derbas dikir. Lê bi saya berxwedan û têkoşîna şehîdên me yên Hefteya Lehengiyê mafên hemû gelan hate parastin û wan lehengan bi berxwedana xwe destan di dîrokê de nivîsandin.”
Pişte mûm hatin vêxistin û sînevîzyon ji bo bîranîna şehîdên Hefteya Lehengiyê hate pêşandan.
Bîranîn bi dirûşmên “Şehîd namirin”,”Berxwedan jiyan e”,”Bijî Serok APO” bi dawî bû.
Di dawiya bernamê de endamên Yekitiya Jinên Ciwan û Tevgera Ciwanên Şoreşger di derbarê Hefteya Lehengî û Şehîd Egîd de hestên xwe ji ajansa me re parvekirin.
Navê min Fadya ye. Ez xebatê jinên ciwan dikim. Bi pêşngtiya ciwanan û Yekîtiya Jinên Ciwan û Saziya Malbetên Şehîdan em vê bîranînê radibin û ji bo bîranîna Şehîd Egîd. Ji xwe 21 Adarê heya 28 Adarê ev hefteya berxwedanê ye, hefteya ku heval di zindanê gihiştin asta şahadetê ye. Erê raste îro heval Egîd gihşt asta Şahadetê lê bi hezaran Egîd hene, bi hezaran jî Egîd çêbibin. Bi rihê ciwanan, bi rihê gel hezaran yên ku silaha heval Egîd rakin hene û bi hezaran jî ku bibin Egîd jî hene û dawiyê de jî em dibêjin Şehîd Namrin.”
Despêkê navê min Murad e. Di şexsê fermandar şehîd Egîd de hemû şehîdên azadiyê bi bîrtînin û bejna xwe liber wan ditewînin. Bi rastî Şehîd Egîd pêşengtiya Azadiya dikir, pêşengtiya doza Kurd dikir. Fermandar şehîd Egîd 84’an de dest bi gavên eskerî kir. Heger berxwedaniya wî tineba belkî vê keliyê vê deqê me nikarî jiyan bikira, nikarî kombunek çêbikira. Di şexsê Egîdan gelê Kurd, yan ciwanên Kurd ber xwe didin. 86 heya vê gavê rihê Şehîd Egîd nemirî û tu carî jî namire. Yanî ew qehreman ew rihê Fermandar şehîd Egîd ê ku li Rojava, li ser çiya çarperçe Kurdistanê de ber xwe didin, ew berxwedaniya rihê Şehîd Egîd ê ku ji 86’an ve hember dewleta Tirk adagirker tekoşîn dike. Tu carî ew rih nayê kuştin ji ber ku rihekî di hindirê mêjî de, di hindirî îradeya gelê Kurd de ye.
Tu carî doza Şehîd Egîd tu carî nayê mirin, nayê rawastandin her tim emê ber xwe bidin ser esasê wê fikrî, ser esasî wî dozî, ser esasê wê qehremantî emê ber xwe bidin. Heger Bendava Tişrîn berxwedaniya herî mezin tên kirin ew saya Fermandar şehîd Egîd e. Heger di Kobanê de berxwedan tê kirin sayê Fermandar şehîd Egîd e.
Em wekî ciwan, wek gelê Kurd emê ser rêya wan bin, riya Şehîd Mezlûm, rêya Şehîd Egîd bin. Em wekî ciwan li kuderê bin emê dozên wan bişopînin û emê vê dijminî dagirker, dijminî desthildar ku vî gelê qir dike, vî gelî tine dike, zarokan tine dike, ciwanan qetil dike; bi rihê ciwantî, bi rihê Şehîd Egîd tûne bikin. Berxwedan jiyane. Em tucarî serê xwe ber dijmin daneynin, em wek ciwanên Kobanê em di dawiyê de dibêjin Şehîd Namrin. Şehîd Egîd di dilê mede ye.”
