NAVENDA NÛÇEYAN- Ciwanên Endonezya û Papûaya Rojava banga azadiya Rêber APO û hevgirtinê li dijî êrîşên li ser Bakur û Rojhilatê Sûriyeyê kirin.
Ciwanan di daxuyaniya xwe de diyar kirin ku Rêber APO ne tenê girtiyê siyasî ye, sembola têkoşîna gelên bindest e, ramanwerekî ku fikrên demokrasiya radîkal, ekolojiya civakî û azadiya jinê ava kiriye û gotin, “Heta ku ew di girtîgehê de bimîne, ti kes ji me bi rastî azad nîne.”
Ciwanên ku ji bo azadiya fîzîkî ya Rêber APO qîriyan, “Werin em di nava gelan de hevgirtina navneteweyî û Konfederalîzma Demokratîk ava bikin! Em ji her aliyê cîhanê diqîrin: Rojava ne bi tenê ye!” gotin.
Ciwanan diyar kirin ku afirandina dîrokê di destê ciwanan de ye û gotin, “Ev têkoşîn a me hemûyan e. Em neheylin Ocalan were bê dengkirin. Destûr nedin hegemonyaya modernîteya kapîtalîst zîhniyeta me tune bike!”
Ciwanan bi dirûşmeya “Jin Jiyan Azadî” dawî li çalakiya xwe anîn.
Tevahiya daxuyaniyê wiha ye:
“Rêheval, hevrêyên têkoşer û hemû cangoriyên azadîxwaz!
Em îro li vir piştî nîqaşkirina pirtûka bi navê Kuştina Zilamek ku ji aliyê Akademiya Jineolojiyê ve li ser fikrên Abdullah Ocalan hatiye amadekirin hatin gel hev. Em dengê xwe bilind dikin û piştgirî didin fikrên ku li Rojava şoreşa jinê û ekolojiya civakî daye destpêkirin! Ev şoreş ji bo cîhanê hêviyek e, îspata wê yekê ye ku civakek azad, adalet û wekhev bi wêrekî tê avakirin!
Lê em dizanin ku her şoreşa ku li dijî hegemonyaya Modernîteya kapîtalîst derkeve, wê her tim rastî êrîşa kesên ji azadiyê ditirse were! Dewleta Tirk a faşîst bi êrîşa li ser erdekî bi fedaî hatiye çêkirin hewl da Rojava tine bike û 26 sal in Abdullah Ocalan di Girtîgeha Îmraliyê de di bin tecrîda mutleq de dihêle.
Ocalan ne tenê girtiyê siyasî ye, ew sembola têkoşîna gelên bindest e, ramanwerekî ku fikrên demokrasiya radîkal, ekolojiya civakî û azadiya jinê ava kiriye. Heya ku ew di girtîgehê de bimîne, yek ji me bi rastî azad nabe.
Heta ku her kes azad nebe kes azad nabe!
Ji ber vê yekê banga me ev e:
– Êrîşên li ser Rojava rawestînin! Ev şoreş ya gelan e! Bila qetlîamên jinan bi dawî bibin!
– Abdullah Öcalan azad bikin! Divê laş, deng û ramanên wî azad bin!
– Werin di nav gelan de hevgirtina navneteweyî û Konfederalîzma Demokratîk ava bikin! Em ji her aliyê cîhanê diqîrin: Rojava ne bi tenê ye!
Divê em bizanibin ku dîrok di destê me de ye, di destê ciwanan de ye! Ev têkoşîn ya me hemûyan e. Nahêlin dengê Öcalan qut bikin. Destûr nedin hegemonyaya modernîteya kapîtalîst zîhniyeta me hilweşîne!
Jin, Jiyan, Azadî!
“Jin, Jiyan, Azadî!”
