QAMIŞLO – Meclîsa Malbatên Şehîdan a herêma Cizîrê bi alîkariya Desteya Perwerdeyê, li Qamişlo dibistanek taybet a Teknolojî ji bo zarokên şehîdan li ser navê şehîd Beşîr vekir.
Di dibistanê de zarokên ji temenê 12 heya 16 salî cihê xwe digirin. Beşên Kurdî, Înglîzî, bîrkarî, erebî, fîziya û kîmya jî di nava bernameya wan de heye. Ji kompîter jî beşên program, montaj û elktron hene. 28 zarok di dibistanê de li ser biranşa û kompîter tên perwerde kirin.
Zarokên ku di dibistanê de fêr dibin derfeteke bi vê rengî bi kêfxwaşiyekê tînin ser ziman.
“Navê min Cîhan e, ez keça şehîd Kadoz im, ez li dibistana şehîd Beşîr dixwînim. Ji ber derfetekî bi vê rengî ji me re hatiye em pir kêfxwaşin. Em perwerdeyê bi zimanên cuda cuda jî dibînin. Em perwerdeyên girêdayî teknîkê jî dibînin. Ez ji hemû malbatê şehîdan re dibêjim ku ew jî zarokên xwe bişînin dibistanên bi vê rengî. Rastî jî derfetekî gelekî xwaş e.”
“Navê min Omer e, kurê şehîd Namiz im. Ez di dibistana şehîd Beşîr de dixwînim, ez ji vê dibistanê gelekî kêfxwaşim. Hemû mamosteyên me jî pir başin. Em spasiya Saziya Malbatê Şehîdan dikin.”
“Navê min Nûjdar Silêman, ez kurê şehîd Hemîd im, ez li bajarê Qamişlo jiyan dikin. Li dibistana şehîd Beşîr ez dixwînim. Em pir kêfxwaşin ji ber ku yekemîn dibistana teknolojiyê li Rojava vebûye. Ji ber vekirina vê dibistanê em spasiya malbatê şehîdan dikin. Em hêvî dikin ev dibistanê bi vê rengî li hemû bajaran bê vekirin, û weke ku em bi pêşdikevin hemû zarokên şehîdan bi pêş bikevin.”
Berpirsên ku dibistanê jî bi rêve dibin armancê vekirina vê dibistanê ji me re anîn ser ziman.
“Navê min Rûdeng Şêxo ye, ez rêveberiya akademiya şehîd Beşîr a teknolojiyê me, birayê şehîd Bahoz im. Dibistana Şehîd Beşîr a Teknolojiya bi pêşengtiya malbatên şehîdan hate vekirin. Ev akademî wê li tevahî Bakur-Rojhilatê Sûriyeyê vebibe. Ev akademî bi taybet ji bo zarokên malbatê şehîdan hatiye vekirin. Em jî ji bo tiştekî bi vê rengî kêfxwaşin ji ber ku ev zarok li vê derê pêşeroja me ne. Perwerdeya dibistanê wê heya du salan dewam bike, sala yekemîn teorîke û sala duyemîn jî pratîkî ye. Hejmarê zarokên ku beşdar jî bûne 32 ne. Li vê derê 9 biranşên me hene; Computer, bermece, dizayîn, îliktron, zimanên cuda jî hene weke zimanê; erebî, kurdî û ingilîzî, ji derveyî wê jî dersên kîmya û bîrkarî heye. Nêzî 9 mamosteyên me hene.
Armanca me jî ji vekirina vê akademiyê ewe ku em zarokên xwe yên şehîdan perwerde bikin, da ku li welat û şehîdên xwe ve xwedî derbikevin. Ji bo ku ew jî nifşên pişt xwe perwede bikin. Ji ber ku ji bo me kesên ku teknolojiyê dizanin lazim in. Plana me jî heye ku em akademiya xwe hîna mezintir bikin, da ku hemû zarokên şehîdan karbin werin tevlî bibin. Bi taybet plana me heye ku li Reqa, Hesekê û Amûdê jî vebe.
Em ji tevahî malbatan daxwaz dikin ku ew jî zarokên xwe bişînin vê derê. Ji ber ku li vê derê em zarokan ji her alî de perwerde dikin. Di dawiyê de em spasiya her kesekî ku keda wî/ê di vê vekirina vê akademiyê de heye dikin.”
NC// Egîd Roj
