BEHDÎNAN – Navenda Ragihandin û Çapemeniyê ya HPG’ê ragihand, “Çalakiyên hêzên me yên di çarçoveya Pêngava Şoreşgerî ya Bazên Zagrosê de li herêmên Avaşîn û Zapê ku her cih veguherandine qadeke yê berxwedanê û derb li ser derbeyan li dagirkeran dixin, bê navber didomin. Di çalakiyên hêzên me yên li erdnîgariyeke pir berfireh de, hemû teknîka dijmin bin xistine û bi bikaranîna taktîkên gerîlayî ya serdema nû ya bi ruheke fedayî û cesareteke bilind ve pêkanînî, bi giştî 34 dagirker hatin cezakirin, 6 dagirker birîndar bûn, 1 dronek hate xistin.”
HPG’ê têkildarî detayên çalakiyan ev agahî parve kir:
Li herêma Avaşînê;
19’ê Nîsanê saet 15:30’î hêzên me yên YJA Starê li herêma Berxwedanê ya Werxelê bi çekên giran li dagirkeran dan. Di encama çalakiya bi bandor de 10 dagirker hatin cezakirin û 2 dagirker jî birîndar bûn.
19’ê Nîsanê saet 17:30 û 17:50’î de li Qada Berxwedanê ya Werxelê, 2 caran bi taktîkên sabotajê li dagirkerên ku di nav tevgerê de bûn hatiye xistin. Di encama van çalakiyan de 2 dagirker hatin cezakirin.
Li herêma Zapê;
17’ê Nîsanê saet 21.00’an helîkopterên dagirkeran ên xwestin li Girê Şehîd Ciwan a li Qada Berxwedanê ya Karker dakevin, ji aliyê hêzên me ve hatin hedefgirtin. Di encama destwerdana hêzên me de, dagirker bêyî ku karibin dakevin, ji herêmê dûr ketin.
Di 18’ê Nîsanê de, dagirkerên ku xwestin li Qada Berxwedanê ya Karker a herêma Zapê bi cih bibin, hêzên me bi taktîkeke sûîqestê li wan xistine. Di encama vê çalakiyê de 1 dagirker hate cezakirin.
Di 18’ê Nîsanê de dagirkerên ku xwestin ji qada Cîloya Biçûk a herêma Zapê û tengava Şehîd Şaho ber bi qada Girê Şehîd Tufan ve bi pêş ve biçin, du caran bi çekên giran li wan hate xistin. Di encama lêdanên bi bandor ên hêzên me de pêşveçûna dagirkeran hate rawestandin.
Di 18’ê Nîsanê de dagirkerên li Qada Berxwedanê ya Werxelê ya herêma Zapê ji du milan ve ji aliyê hêzên me ve hatin hedefgirtin û li wan hate xistin. Di encama vê çalakiyê de 1 dagirker hate cezakirin.
Di 18’ê Nîsanê de dagirkerên ku xwestine li Qada Berxwedanê ya Karker a herêma Zapê bi cih bibin, du caran bi çekên giran hatine hedefgirtin û hedefên hatine diyarkirin bi îsabet li wan hatine xistin.
18’ê Nîsanê saet 13:00’an de dagirkerên ku xwestin li Girê Şehîd Agir a girêdayî Qada Berxwedanê ya Şehîd Rûstem bi cih bibin, ji aliyê hêzên me ve hatin hedefkirin, li wan hate xistin û 1 dagirker hate cezakirin.
Di 18’ê Nîsanê de artêşa Tirk a dagirker 3 caran xwest bikeve Qada Berxwedanê ya Kunîşka. Di encama mudaxeleya bi bandor a hêzên me de, dagirker nekarîn bi pêş ve biçin. Artêşa Tirk a dagirker ku gavekê paşde vekişiya, herêm bi dijwarî bomberdûman kir.
19’ê Nîsanê saet 07:00’an dronek ku li ser qada Girê Şehîd Ciwan a girêdayî Qada Berxwedanê ya Karker digeriya ji aliyê hêzên me ve hatiye xistin.
19’ê Nîsanê saet 09:20’an de hêzên me bi taktîkên sabotajê li dagirkerên ku xwestin li Girê Şehîd Tufan a herêma Zapê bi cih bibin xistin. Di encama vê çalakiyê de 1 dagirker hate cezakirin.
19’ê Nîsanê saet 11:00’an de hêzên me bi taktîkên sabotajê li dagirkerên ku li derdora Girê Şehîd Tufan di tevgerê de bûn xistin. Di encama çalakiyê de 2 dagirker hatin cezakirin.
19’ê Nîsanê saet 11:10’an hêzên me bi çekên giran li dagirkerên li Girê Şehîd Ciwan ên Qada Berxwedanê ya Karker xistin. Di vê çalakiyê de 6 dagirker hatin cezakirin û 4 dagirker jî birîndar bûn.
Di 19’ê Nîsanê de artêşa TC’ê ya dagirker ji herêma Şêladizê ya di bin kontrola PDK’ê de ber bi Qada Berxwedanê ya Kurojahro ve ji bejahî ve kete tevgerê. Hêzên me bi taktîkên sabotajê li dagirkerên ku xwestin ji wir bikevin tevgerê û li Girê Şehîd Şemdîn bi cih bibin xistin û 2 dagirker hatin cezakirin. Liv û tevgera dagirkeran a li derdora Şêladizê didome.
19’ê Nîsanê saet 06:15’an de dagirkerên ku xwestin li Girê Şehîd Çiyager ê li Qada Berxwedanê ya Kurojahro bi cih bibin, hêzên me yên YJA Starê bi taktîkeke sûîqestê li wan xistin. Di encama vê çalakiyê de 2 dagirker hatin cezakirin.
19’ê Nîsanê saet 15:30’î hêzên me mudaxele li dagirkerên ku xwestin ber bi qada Kunîşka ve bi pêş ve biçin kirin. Di encama lêdanên bi bandor de, dagirker neçar man gavekê paşde vekişin.
19’ê Nîsanê danê êvarê dagirkerên ku dixwestin xwe li Qada Berxwedanê ya Kurojahro bi cih bikin, piştî ku bi pêşengiya hêzên me yên YJA Starê ve hatin kontrolkirin, bi çalakiyeke koordînekirî ya gerîlayan li wan hate xistin. Baskê yekem ê çalakiyê; ji nêz ve li dagirkeran hat xistin û 4 dagirker hatin cezakirin. Baskê duyemîn ê çalakiyê; bi çekên ferdî bi awayekî bandor li dagirkeran hate xistin û 1 dagirker hat cezakirin. Di vê çalakiyê de 5 dagirker ku 1 jê payebilind bû, hatin cezakirin.
Di 19’ê Nîsanê saet 10.00’an de dagirkerên ku xwestine li Girê Şehîd Harûn bi cih bibin, bi taktîkên sabotajê li wan hatiye xistin û 1 dagirker hatiye cezakirin.
Di 17 û 18’ê Nîsanê de Qadên Berxwedanê yên Kurojahro, Karker, Şehîd Şahîn, Çemço, Sîda, Rêncbiraxa û Şikefta Birîndara yên herêma Zapê, 47 caran bi balafirên şer û obusên ji qereqolên li ser xeta sînor tên avêtin ve hatine bombekirin.
18’ê Nîsanê ji qereqolên li ser xeta sînor qadên Girê Cûdî, Girê Amediye û Girê FM yên herêma Zapê 19 caran bi obus û balafirên şer hatine bomberdûmankirin. Heman rojê qada Girê Colemêrgê ya herêma Metîna ji qereqolên li ser xeta sînor 6 caran bi obus û balafirên şer hatiye bombekirin.”
