KOBANÊ – Yekitiya Jinên Ciwan a Kobanê bi tevlêbûna bi dehan jinên ciwanên pêşbirka biskilêtan li dar xist.
Pêşbaziyê ji kolana Şehîd Sarya Ozgur dest pê kir û ber bi qada Jina Azad ve çû.
Beşdaran 500 metreyan meşiyan. Ciwana bi navê Tilînaz Elî di rêza yekemîn de bi ser ket, ciwana bi navê Mircan Hecî di rêza duyemîn de û ciwana bi navê Bêrîtan Elî jî di rêza sêyemîn de bi ser ketin.
Piştî pêşbazî bi dawî bû, Komîtay Dîwanê mîdaliyek da ciwanên beşdarî çalakiyê bûn û ciwana bi navê Tilînaz Elî jî kûpa pêşbaziyê wergirt.
Ev çalakî di çarçoveya rêzeçalakiyên ku Koordînasyona Kongreya Star bi boneya 8`ê Addarê û bi dirûşmeya”Têkoşîna me misogeriya şoreşa jinê ye ” li dar xist, pêk hat.
Ev pêşbir li ser asta herêma Firatê ya yekemîn e.
1 Ji 15
-
+
